సంబరాల కంటే ప్రాణాలే ముఖ్యం: తొక్కిసలాటపై కపిల్ దేవ్ స్పందన
- ఆర్సీబీ సంబరాల్లో తొక్కిసలాట, 11 మంది దుర్మరణం
- ఘటనపై దిగ్భ్రాంతి వ్యక్తం చేసిన మాజీ కెప్టెన్ కపిల్ దేవ్
- వేడుకల కంటే భద్రతకే ప్రాధాన్యమివ్వాలని నిర్వాహకులకు, ప్రజలకు కపిల్ సూచన
"ఈ సంఘటన గురించి తెలిసి చాలా బాధపడ్డాను. మనం ఒకరి నుంచి ఒకరం పాఠాలు నేర్చుకోవాలి. భవిష్యత్తులో ఇలాంటి విజయోత్సవ ర్యాలీలు నిర్వహించేటప్పుడు ప్రజలు మరింత స్పృహతో వ్యవహరించాలి. ప్రజలు తప్పులు చేస్తుంటారు. సరదా కోసం చేసే పనుల్లో ప్రాణాలు కోల్పోయేంత పెద్ద తప్పు జరగకూడదు. భవిష్యత్తులో ఏ జట్టు గెలిచినా, సంబరాలను ప్రశాంతంగా జరుపుకోవాలి. వేడుకల కంటే ప్రాణాలే ముఖ్యం. ఈ విషయాన్ని గుర్తుంచుకోవాలి" అని ఆయన హితవు పలికారు. బెంగళూరులో జరిగిన విషాదకర ఘటన నుంచి పాఠాలు నేర్చుకుని, భవిష్యత్తులో ఇటువంటి భారీ వేడుకల విషయంలో జట్లు, సంస్థలు మరింత జాగ్రత్త వహించాలని కపిల్ సూచించారు.
