కాంగ్రెస్ నేత సిద్ధరామయ్య ఇంట విషాదం

కర్ణాటక రాష్ట్ర అసెంబ్లీ ఎన్నికల్లో కాంగ్రెస్ మెజారిటీ స్థానాల్లో ఆధిక్యంలో ఉండటంతో ఆ పార్టీ సంబరాల్లో మునిగింది. కాంగ్రెస్ తిరిగి అధికారంలోకి వస్తే మాజీ సీఎం సిద్ధరామయ్య మరోసారి ముఖ్యమంత్రి అయ్యే అవకాశం కనిపిస్తోంది. ఇలాంటి తరణంలో సిద్ధరామయ్య ఇంట్లో విషాదం చోటు చేసుకుంది. 

ఈ రోజు ఆయన బావ కన్నుమూశారు. సిద్ధరామయ్య సోదరి శివమ్మ భర్త రామే గౌడ (69) ఆకస్మికంగా మరణించారు. రామే గౌడ ఈ ఉదయం అస్వస్థతకు గురికావడంతో నగరంలోని జేఎస్‌ఎస్‌ ఆస్పత్రిలో చేర్పించారు. చికిత్స అందిస్తుండగా ఉదయం 8.30 గంటల ప్రాంతంలో ఆయన తుదిశ్వాస విడిచినట్లు కుటుంబ సభ్యులు తెలిపారు. రామేగౌడకు భార్య, ముగ్గురు కుమార్తెలు, కుమారుడు ఉన్నారు. ఈ రోజు మధ్యాహ్నం హత్తూరులో అంత్యక్రియలు జరగనున్నాయి.