Konda Surekha: పార్టీ మారే విషయంపై కొండా సురేఖ క్లారిటీ
వరంగల్ జిల్లాకు చెందిన తాము మరోమారు పార్టీ మారుతున్నామంటూ ఇటీవల జరుగుతున్న ప్రచారంపై శనివారం నాడు కొండా సురేఖ క్లారిటీ ఇచ్చారు. తాము పార్టీ మారడం లేదని, కాంగ్రెస్ పార్టీలోనే తమ కుటుంబం కొనసాగుతుందని ఆమె స్పష్టం చేశారు. శనివారం నాడు కొండా దంపతుల కుమార్తె జన్మదిన వేడుకలు ఘనంగా జరిగాయి. ఈ సందర్భంగానే సురేఖ పార్టీ మారుతున్నట్లుగా తమపై జరుగుతున్న ప్రచారంపై ఫుల్ క్లారిటీ ఇచ్చారు.
కాంగ్రెస్ పార్టీని వీడేది లేదని స్పష్టం చేసిన కొండా సురేఖ.. వరంగల్ తూర్పు నియోజకవర్గంలో తాను పార్టీ తరఫున బరిలోకి దిగుతానని చెప్పారు. అదే సమయంలో పార్టీ తమకు ఇంకో సీటు ఇచ్చినా రంగంలోకి దిగేందుకు తమ కుటుంబంలో ఇంకో ఇద్దరు సిద్ధంగానే ఉన్నారని కూడా ఆమె వ్యాఖ్యానించారు. వరంగల్ తూర్పుతో పాటుగా జిల్లాలో కాంగ్రెస్ పార్టీకి క్లిష్టంగా ఉన్న సీటు ఇచ్చినా బరిలోకి దిగుతామని ఆమె చెప్పుకొచ్చారు. కొండా కుటుంబం బీజేపీలో చేరుతున్నట్లుగా జరుగుతున్న ప్రచారం తామంటే గిట్టని వారు చేసే ప్రచారమేనని సురేఖ కొట్టిపారేశారు.
కాంగ్రెస్ పార్టీని వీడేది లేదని స్పష్టం చేసిన కొండా సురేఖ.. వరంగల్ తూర్పు నియోజకవర్గంలో తాను పార్టీ తరఫున బరిలోకి దిగుతానని చెప్పారు. అదే సమయంలో పార్టీ తమకు ఇంకో సీటు ఇచ్చినా రంగంలోకి దిగేందుకు తమ కుటుంబంలో ఇంకో ఇద్దరు సిద్ధంగానే ఉన్నారని కూడా ఆమె వ్యాఖ్యానించారు. వరంగల్ తూర్పుతో పాటుగా జిల్లాలో కాంగ్రెస్ పార్టీకి క్లిష్టంగా ఉన్న సీటు ఇచ్చినా బరిలోకి దిగుతామని ఆమె చెప్పుకొచ్చారు. కొండా కుటుంబం బీజేపీలో చేరుతున్నట్లుగా జరుగుతున్న ప్రచారం తామంటే గిట్టని వారు చేసే ప్రచారమేనని సురేఖ కొట్టిపారేశారు.
