సినీ నటుడు విష్ణు విశాల్ తో గుత్తా జ్వాల డేటింగ్... వైరల్ అవుతున్న కపుల్ పిక్స్!

ప్రముఖ బ్యాడ్మింటన్‌ స్టార్‌ గుత్తా జ్వాల, ఓ తమిళ నటుడితో ప్రేమలో పడిందా? అవుననే అంటూ వారిద్దరూ కలిసున్న ఫొటోలను చూపిస్తోంది కోలీవుడ్‌. తమిళ నటుడు విష్ణు విశాల్‌ తో గత కొంతకాలంగా గుత్తా జ్వాల డేటింగ్‌ లో ఉందని తెలుస్తుండగా, ఇటీవలి కాలంలో వీరిద్దరి చిత్రాలూ సామాజిక మాధ్యమాల్లో హల్ చల్ చేస్తున్నాయి.

తాజాగా, న్యూ ఇయర్ వేడుకల్లోనూ ఈ జంట కలిసి కాలక్షేపం చేసింది. తనను ముద్దాడుతున్న విష్ణు ఫొటోను జ్వాల, స్వయంగా సోషల్ మీడియాలో పోస్ట్ చేయడంతో అదిప్పుడు తెగ వైరల్ అవుతోంది. జ్వాలానే స్వయంగా ఫొటోను బహిర్గతం చేయడంతో, వీరిద్దరి ఎఫైర్ పై కామెంట్ల మీద కామెంట్లు వెల్లువెత్తుతున్నాయి. కాగా, విష్ణు విశాల్‌ తమిళంలో దాదాపు 14 చిత్రాల్లో నటించాడు.