వేలికి రింగ్‌.. ఆరోగ్యంపై పూర్తి నిఘా? ఫిట్‌నెస్‌ రింగ్స్‌ గురించి తెలుసుకోవాల్సిన విషయాలివే
- నిద్ర, గుండె స్పందన, కదలికలపై ఫిట్‌నెస్‌ రింగ్‌తో అంచనాలు
- రోజువారీ అలవాట్లను మెరుగుపరచుకునే అవకాశం
- రీడింగ్స్‌ వైద్య పరీక్షలకు ప్రత్యామ్నాయం కాదని గ్రహించాలి
- పదేపదే ట్రాకింగ్‌తో ఆందోళన పెరిగే ప్రమాదం
- ఆరోగ్య సమస్యలుంటే వైద్యుడి సలహా తప్పనిసరి
స్మార్ట్‌వాచ్‌ పెట్టుకోవడం ఇష్టం లేదా? ఆరోగ్యాన్ని ఎప్పటికప్పుడు గమనించాలనుకుంటున్నారా? అయితే ఫిట్‌నెస్‌ రింగ్స్‌ మీకు మరో ప్రత్యామ్నాయం. ఓరా, రింగ్‌కాన్‌ వంటి కంపెనీలు తయారు చేస్తున్న ఈ చిన్నపాటి రింగ్స్‌ ద్వారా నిద్ర, గుండె స్పందన, శారీరక చలనం, వ్యాయామం తర్వాత శరీరం కోలుకునే తీరు వంటి అంశాలను అంచనా వేయొచ్చు. చేతికి స్క్రీన్‌ ఉన్న వాచ్‌ ధరించాల్సిన అవసరం లేకుండానే రోజంతా ఈ వివరాలను తెలుసుకోవచ్చు. అయితే వీటితో లాభాలున్నట్టే కొన్ని పరిమితులూ ఉన్నాయి. నిపుణులు ఏం చెబుతున్నారు? ఇవి ఎవరికి ఉపయోగపడతాయి? ఎవరు జాగ్రత్తగా ఉండాలి?
ఫిట్‌నెస్‌ రింగ్స్‌తో ఏం తెలుసుకోవచ్చు?
నిద్ర: ఎంతసేపు నిద్రపోయారు? మధ్యలో ఎన్నిసార్లు మెలకువ వచ్చింది? నిద్ర సమయాలు ఎలా ఉన్నాయి?
గుండె స్పందన: గుండె కొట్టుకునే వేగం, రెండు స్పందనల మధ్య వ్యవధిలో మార్పులు (హెచ్‌ఆర్‌వీ) వంటి వివరాలు.
శారీరక చలనం: రోజులో ఎన్ని అడుగులు వేశారు? ఎంత కదిలారు? ఎన్ని కేలరీలు ఖర్చయ్యాయి?
ఆక్సిజన్ స్థాయి: కొన్ని మోడళ్లు రక్తంలోని ఆక్సిజన్ స్థాయిని అంచనా వేస్తాయి.
గుండె లయ: కొన్ని పరికరాల్లో ఈసీజీ రికార్డింగ్‌ సదుపాయం ఉంటుంది.
అయితే అన్ని రింగ్స్‌లోనూ ఈ ఫీచర్లన్నీ ఉండవు. వీటి రీడింగ్స్‌ వైద్య పరీక్షలకు ప్రత్యామ్నాయం కూడా కావనే విషయాన్ని గమనించాలి.
ఫిట్‌నెస్‌ రింగ్స్‌తో ప్రయోజనాలేంటి?
నిద్రపై అవగాహన: ప్రతిరోజూ ఆలస్యంగా పడుకోవడం, సరిపడా నిద్ర లేకపోవడం వంటి అలవాట్లను గుర్తించేందుకు ఇవి ఉపయోగపడతాయి. నిద్ర, రోజువారీ చలనంపై మెరుగైన నిర్ణయాలు తీసుకోవడానికి ఇది ఉపయోగపడుతుందని పలువురు వినియోగదారులు తెలిపారు.
వ్యాయామానికి ప్రోత్సాహం: ఎక్కువసేపు కూర్చునే ఉద్యోగులు మధ్యమధ్యలో నడవడానికి, రోజువారీ కదలికలను పెంచుకోవడానికి ఇవి గుర్తుచేస్తాయి. అయితే రింగ్‌ పెట్టుకున్నంత మాత్రాన ఆరోగ్యం మెరుగుపడదు. దాని ద్వారా తెలుసుకున్న సమాచారాన్ని మనం ఎలా ఉపయోగించుకుంటామన్నదే ముఖ్యమనే విషయాన్ని గ్రహించాలి.
వైద్యులకు అదనపు సమాచారం: కొన్ని పరికరాల్లోని ఈసీజీ రికార్డింగ్స్‌ ద్వారా గుండె స్పందనలో అసాధారణ మార్పులను గుర్తించేందుకు వైద్యులకు కొంత సమాచారం అందించవచ్చు. అయితే వీటితో గుండెపోటును నిర్ధారించలేం, పూర్తిగా తోసిపుచ్చలేం కూడా.
నష్టాలు, పరిమితులు ఏంటి?
అనవసర ఆందోళన: నిద్ర స్కోర్‌, గుండె స్పందన, హెచ్‌ఆర్‌వీ వివరాలను పదేపదే పరిశీలించడం కొందరిలో ఆరోగ్యంపై ఆందోళన పెంచవచ్చు. గుండె స్పందనలో మార్పులన్నీ అనారోగ్యానికి సంకేతాలు కావని డాక్టర్లు చెబుతున్నారు.
తప్పుడు అంచనాలు: రింగ్‌ సరిగా లేకపోవడం, కదలికలు, సెన్సర్ల పరిమితుల వల్ల రీడింగ్స్‌లో తప్పులు రావచ్చు. సాధారణ రీడింగ్స్‌ ఉన్నంత మాత్రాన ఆరోగ్య సమస్యలు లేవని భావించకూడదు.
వ్యాయామంలో అసౌకర్యం: వెయిట్‌ ట్రైనింగ్‌ చేసేటప్పుడు డంబెల్స్‌, బార్బెల్స్‌ వల్ల రింగ్‌ అసౌకర్యంగా అనిపించవచ్చు. దెబ్బతినే ప్రమాదమూ ఉంది. రన్నింగ్‌ సమయంలో స్క్రీన్‌పై వివరాలను వెంటనే చూడాలనుకునేవారికి స్మార్ట్‌వాచ్‌ అనుకూలంగా ఉండొచ్చు.
ఎవరు కొనాలి? ఎవరికి వద్దు?
నిద్ర, రోజువారీ కదలికలు, వ్యాయామం తర్వాత కోలుకునే తీరును గమనించాలనుకునేవారికి ఫిట్‌నెస్‌ రింగ్స్‌ ఉపయోగపడతాయి. అయితే ఆరోగ్య వివరాలను పదేపదే చూసుకుంటూ ఆందోళన చెందేవారు వీటిని కొనేముందు ఆలోచించాలి. కొనుగోలు చేసే ముందు ధర, బ్యాటరీ, సౌకర్యం, యాప్‌ సదుపాయాలు, సబ్‌స్క్రిప్షన్‌ ఖర్చులు, వ్యక్తిగత సమాచార గోప్యత వంటి అంశాలను పరిశీలించాలి.
ఫిట్‌నెస్‌ రింగ్స్‌తో ఏం తెలుసుకోవచ్చు?
నిద్ర: ఎంతసేపు నిద్రపోయారు? మధ్యలో ఎన్నిసార్లు మెలకువ వచ్చింది? నిద్ర సమయాలు ఎలా ఉన్నాయి?
గుండె స్పందన: గుండె కొట్టుకునే వేగం, రెండు స్పందనల మధ్య వ్యవధిలో మార్పులు (హెచ్‌ఆర్‌వీ) వంటి వివరాలు.
శారీరక చలనం: రోజులో ఎన్ని అడుగులు వేశారు? ఎంత కదిలారు? ఎన్ని కేలరీలు ఖర్చయ్యాయి?
ఆక్సిజన్ స్థాయి: కొన్ని మోడళ్లు రక్తంలోని ఆక్సిజన్ స్థాయిని అంచనా వేస్తాయి.
గుండె లయ: కొన్ని పరికరాల్లో ఈసీజీ రికార్డింగ్‌ సదుపాయం ఉంటుంది.
అయితే అన్ని రింగ్స్‌లోనూ ఈ ఫీచర్లన్నీ ఉండవు. వీటి రీడింగ్స్‌ వైద్య పరీక్షలకు ప్రత్యామ్నాయం కూడా కావనే విషయాన్ని గమనించాలి.
ఫిట్‌నెస్‌ రింగ్స్‌తో ప్రయోజనాలేంటి?
నిద్రపై అవగాహన: ప్రతిరోజూ ఆలస్యంగా పడుకోవడం, సరిపడా నిద్ర లేకపోవడం వంటి అలవాట్లను గుర్తించేందుకు ఇవి ఉపయోగపడతాయి. నిద్ర, రోజువారీ చలనంపై మెరుగైన నిర్ణయాలు తీసుకోవడానికి ఇది ఉపయోగపడుతుందని పలువురు వినియోగదారులు తెలిపారు.
వ్యాయామానికి ప్రోత్సాహం: ఎక్కువసేపు కూర్చునే ఉద్యోగులు మధ్యమధ్యలో నడవడానికి, రోజువారీ కదలికలను పెంచుకోవడానికి ఇవి గుర్తుచేస్తాయి. అయితే రింగ్‌ పెట్టుకున్నంత మాత్రాన ఆరోగ్యం మెరుగుపడదు. దాని ద్వారా తెలుసుకున్న సమాచారాన్ని మనం ఎలా ఉపయోగించుకుంటామన్నదే ముఖ్యమనే విషయాన్ని గ్రహించాలి.
వైద్యులకు అదనపు సమాచారం: కొన్ని పరికరాల్లోని ఈసీజీ రికార్డింగ్స్‌ ద్వారా గుండె స్పందనలో అసాధారణ మార్పులను గుర్తించేందుకు వైద్యులకు కొంత సమాచారం అందించవచ్చు. అయితే వీటితో గుండెపోటును నిర్ధారించలేం, పూర్తిగా తోసిపుచ్చలేం కూడా.
నష్టాలు, పరిమితులు ఏంటి?
అనవసర ఆందోళన: నిద్ర స్కోర్‌, గుండె స్పందన, హెచ్‌ఆర్‌వీ వివరాలను పదేపదే పరిశీలించడం కొందరిలో ఆరోగ్యంపై ఆందోళన పెంచవచ్చు. గుండె స్పందనలో మార్పులన్నీ అనారోగ్యానికి సంకేతాలు కావని డాక్టర్లు చెబుతున్నారు.
తప్పుడు అంచనాలు: రింగ్‌ సరిగా లేకపోవడం, కదలికలు, సెన్సర్ల పరిమితుల వల్ల రీడింగ్స్‌లో తప్పులు రావచ్చు. సాధారణ రీడింగ్స్‌ ఉన్నంత మాత్రాన ఆరోగ్య సమస్యలు లేవని భావించకూడదు.
వ్యాయామంలో అసౌకర్యం: వెయిట్‌ ట్రైనింగ్‌ చేసేటప్పుడు డంబెల్స్‌, బార్బెల్స్‌ వల్ల రింగ్‌ అసౌకర్యంగా అనిపించవచ్చు. దెబ్బతినే ప్రమాదమూ ఉంది. రన్నింగ్‌ సమయంలో స్క్రీన్‌పై వివరాలను వెంటనే చూడాలనుకునేవారికి స్మార్ట్‌వాచ్‌ అనుకూలంగా ఉండొచ్చు.
ఎవరు కొనాలి? ఎవరికి వద్దు?
నిద్ర, రోజువారీ కదలికలు, వ్యాయామం తర్వాత కోలుకునే తీరును గమనించాలనుకునేవారికి ఫిట్‌నెస్‌ రింగ్స్‌ ఉపయోగపడతాయి. అయితే ఆరోగ్య వివరాలను పదేపదే చూసుకుంటూ ఆందోళన చెందేవారు వీటిని కొనేముందు ఆలోచించాలి. కొనుగోలు చేసే ముందు ధర, బ్యాటరీ, సౌకర్యం, యాప్‌ సదుపాయాలు, సబ్‌స్క్రిప్షన్‌ ఖర్చులు, వ్యక్తిగత సమాచార గోప్యత వంటి అంశాలను పరిశీలించాలి.
