రిలీజ్ కి రెడీ అవుతోన్న 'కథలో రాజకుమారి'

విభిన్నమైన కథలకు .. విలక్షణమైన పాత్రలకి ప్రాధాన్యతనిస్తూ, నారా రోహిత్ వరుస సినిమాలు చేస్తూ వెళుతున్నాడు. ఆయన తాజా చిత్రంగా 'కథలో రాజకుమారి' ప్రేక్షకుల ముందుకు రావడానికి ముస్తాబవుతోంది. ఈ నెల 15వ తేదీన ఈ సినిమా థియేటర్లకు రానుంది. మహేశ్ సూరపనేని దర్శకత్వం వహించిన ఈ సినిమా, సెన్సార్ కార్యక్రమాలను పూర్తి చేసుకుని క్లీన్ 'యు' సర్టిఫికెట్ ను సంపాదించుకుంది.

 నారా రోహిత్ సరసన ఈ సినిమాలో నమితా ప్రమోద్ .. నందిత నటించారు. పరిణతి చెందిన ప్రేమకథాంశంగా ఈ సినిమా తెరకెక్కిందనీ, అన్నివర్గాల ప్రేక్షకులను ఈ సినిమా ఆకట్టుకుంటుందనే నమ్మకం ఉందని దర్శకనిర్మాతలు చెబుతున్నారు. ఈ సినిమా తనకి తప్పకుండా సక్సెస్ ను తెచ్చిపెడుతుందనే నమ్మకంతో నారా రోహిత్ వున్నాడు.