'స్పైడర్' రిలీజ్ రోజునే మహేశ్ సోదరి మూవీ ట్రైలర్!

ఆశించిన స్థాయిలో సక్సెస్ లు అందకపోయినా, సందీప్ కిషన్ తనవంతు ప్రయత్నాలు చేస్తూనే వున్నాడు. తెలుగు .. తమిళ భాషల్లో వైవిధ్యభరితమైన సినిమాలు చేసుకుంటూ వస్తున్నాడు. ఈ నేపథ్యంలోనే ఆయన మహేశ్ సోదరి మంజుల దర్శకత్వం వహించే ఒక సినిమాలో చేస్తున్నాడు. ఈ సినిమాతోనే ఆమె దర్శకురాలిగా పరిచయమవుతోంది.

 అందమైన ప్రేమకథగా ఆమె ఈ సినిమాను తెరకెక్కిస్తోంది. ప్రస్తుతం ఈ సినిమా .. షూటింగ్ దశలో వుంది. సందీప్ కిషన్ సరసన కథానాయికలుగా అమైరా దస్తూర్ .. త్రిథా చౌదరి నటిస్తున్నారు. మహేశ్ బాబు 'స్పైడర్' సినిమా రిలీజ్ రోజైన 'సెప్టెంబర్ 27నే .. ఈ సినిమాకి సంబంధించిన థియేట్రికల్ ట్రైలర్ ను రిలీజ్ చేస్తున్నారట. దర్శకురాలిగా మంజుల తొలి సక్సెస్ ను అందుకోవడమే కాకుండా, ఫ్లాపులతో సతమతమవుతోన్న సందీప్ కిషన్ కి కూడా ఊరట కలిగిస్తుందేమో చూడాలి.