బెంగాల్ ఎన్నికల ఫలితాలపై హీరో నిఖిల్ సంచలన వ్యాఖ్యలు

పశ్చిమ బెంగాల్ ఎన్నికల ఫలితాల ట్రెండ్ దేశ రాజకీయాల్లో పెను సంచలనాన్ని సృష్టించింది. మమతా బెనర్జీ టీఎంసీ కోటను బద్ధలు కొట్టి బీజేపీ ఘన విజయం అంచున నిలిచింది. ఈ ఎన్నికల ఫలితాలపై టాలీవుడ్ యంగ్ హీరో నిఖిల్ సిద్ధార్థ్ ఆసక్తికర వ్యాఖ్యలు చేశారు.

ఎక్స్ వేదికగా నిఖిల్ స్పందిస్తూ... బెంగాల్ ఓటర్లు దేనినీ మర్చిపోలేదని, అలాగే ఎవరినీ క్షమించలేదని ఆయన పేర్కొన్నారు. ముఖ్యంగా సామాన్య పౌరుల భద్రతను, ప్రజల అవసరాలను నిర్లక్ష్యం చేసిన ప్రభుత్వానికి అక్కడి ప్రజలు ఓటు ద్వారా తగిన బుద్ధి చెప్పారని నిఖిల్ విశ్లేషించారు. కోల్‌కతాలోని ఆర్‌.జి. కర్ మెడికల్ కాలేజీలో జూనియర్ డాక్టర్‌పై జరిగిన అమానుష ఘటనను ఉద్దేశించి మాట్లాడిన నిఖిల్... ఇప్పుడు ఆ బాధితురాలికి నిజమైన న్యాయం జరిగిందని అభిప్రాయపడ్డారు.