Harish Shankar: 'ఉస్తాద్ భగత్ సింగ్' రీమేక్ కాదు.. అసలు నిజం చెప్పిన హరీశ్ శంకర్
- 'ఉస్తాద్ భగత్ సింగ్' రీమేక్ కాదన్న దర్శకుడు హరీశ్ శంకర్
- 'తెరి' చిత్రంలోనే తన 'గబ్బర్ సింగ్' నుంచి సీన్ కాపీ చేశారని ఆరోపణ
- రీమేక్ అయితే 'కథ' అని టైటిల్ కార్డు ఎందుకు వేసుకుంటానని ప్రశ్న
- పవన్ కల్యాణ్, హరీశ్ శంకర్ కాంబోలో రెండో చిత్రంగా ఉస్తాద్
- ఈ నెల 26న ప్రేక్షకుల ముందుకు రానున్న సినిమా
పవర్స్టార్ పవన్ కల్యాణ్ హీరోగా వస్తున్న 'ఉస్తాద్ భగత్ సింగ్' చిత్రంపై గత కొంతకాలంగా జరుగుతున్న ప్రచారానికి దర్శకుడు హరీశ్ శంకర్ ఫుల్స్టాప్ పెట్టారు. ఈ సినిమా తమిళ బ్లాక్బస్టర్ 'తెరి'కి రీమేక్ అంటూ వస్తున్న ఊహాగానాలపై ఆయన ఘాటుగా స్పందించారు. తన సినిమా రీమేక్ కాదని స్పష్టం చేయడమే కాకుండా అసలు 'తెరి' చిత్రంలోనే తన 'గబ్బర్ సింగ్' సినిమాలోని ఓ సన్నివేశాన్ని కాపీ చేశారని ఆరోపించారు.
తాజాగా ఓ ప్రమోషనల్ ఇంటర్వ్యూలో మాట్లాడిన హరీశ్ శంకర్, తాను రీమేక్ చేస్తే నిజాయతీగా ఒప్పుకుంటానని స్పష్టం చేశారు. "గబ్బర్ సింగ్ చిత్రానికి నేను 'మాటలు, మార్పులు, దర్శకత్వం' అని టైటిల్ కార్డ్ వేసుకున్నాను. బహుశా తెలుగు ఇండస్ట్రీలో అలా వేసుకున్న మొదటి వ్యక్తిని నేనే. ఆ టైటిల్ కార్డు చూసి రాజమౌళి గారు ఫోన్ చేసి మెచ్చుకున్నారు. అలాంటిది, 'ఉస్తాద్ భగత్ సింగ్' నిజంగా రీమేక్ అయితే 'కథ, మాటలు, దర్శకత్వం' అని ఎందుకు వేసుకుంటాను?" అని ఆయన సూటిగా ప్రశ్నించారు.
రీమేక్ ఆరోపణలను తిప్పికొడుతూ ఆయన ఓ ఆసక్తికరమైన విషయాన్ని బయటపెట్టారు. "గబ్బర్ సింగ్లో నేను పెట్టిన అంత్యాక్షరి ఎపిసోడ్ను స్ఫూర్తిగా తీసుకుని 'తెరి'లో రౌడీలతో రైమ్స్ చెప్పించారు. నా సినిమాలోని సీన్ను వాళ్లు వాడుకుంటే, ఇప్పుడు ఆ సినిమానే నేను రీమేక్ చేస్తున్నానని ప్రచారం చేయడం ఎంతవరకు సమంజసం?" అంటూ హరీశ్ శంకర్ అసహనం వ్యక్తం చేశారు. ఏ పోలీస్ కథలో అయినా హీరో సంఘ విద్రోహ శక్తులపై పోరాడతాడని, 'తెరి', 'టెంపర్' వంటి సినిమాలన్నీ ఆ కోవకే చెందుతాయని అన్నారు.
పవన్ కల్యాణ్ కెరీర్లో 'గబ్బర్ సింగ్' ఇండస్ట్రీ హిట్గా నిలిచిన సంగతి తెలిసిందే. ఆ సినిమా తర్వాత ఈ కాంబోలో వస్తున్న 'ఉస్తాద్ భగత్ సింగ్'పై భారీ అంచనాలు నెలకొన్నాయి. మైత్రీ మూవీ మేకర్స్ నిర్మిస్తున్న ఈ చిత్రంలో పవన్ పవర్ఫుల్ పోలీస్ ఆఫీసర్గా నటిస్తున్నారు. శ్రీలీల, రాశీ ఖన్నా హీరోయిన్లుగా నటిస్తున్నారు. ఇప్పటికే విడుదలైన గ్లింప్స్, పాటలకు అద్భుతమైన స్పందన రాగా, సినిమా ఈ నెల 26న విడుదలకు సిద్ధమవుతోంది.
తాజాగా ఓ ప్రమోషనల్ ఇంటర్వ్యూలో మాట్లాడిన హరీశ్ శంకర్, తాను రీమేక్ చేస్తే నిజాయతీగా ఒప్పుకుంటానని స్పష్టం చేశారు. "గబ్బర్ సింగ్ చిత్రానికి నేను 'మాటలు, మార్పులు, దర్శకత్వం' అని టైటిల్ కార్డ్ వేసుకున్నాను. బహుశా తెలుగు ఇండస్ట్రీలో అలా వేసుకున్న మొదటి వ్యక్తిని నేనే. ఆ టైటిల్ కార్డు చూసి రాజమౌళి గారు ఫోన్ చేసి మెచ్చుకున్నారు. అలాంటిది, 'ఉస్తాద్ భగత్ సింగ్' నిజంగా రీమేక్ అయితే 'కథ, మాటలు, దర్శకత్వం' అని ఎందుకు వేసుకుంటాను?" అని ఆయన సూటిగా ప్రశ్నించారు.
రీమేక్ ఆరోపణలను తిప్పికొడుతూ ఆయన ఓ ఆసక్తికరమైన విషయాన్ని బయటపెట్టారు. "గబ్బర్ సింగ్లో నేను పెట్టిన అంత్యాక్షరి ఎపిసోడ్ను స్ఫూర్తిగా తీసుకుని 'తెరి'లో రౌడీలతో రైమ్స్ చెప్పించారు. నా సినిమాలోని సీన్ను వాళ్లు వాడుకుంటే, ఇప్పుడు ఆ సినిమానే నేను రీమేక్ చేస్తున్నానని ప్రచారం చేయడం ఎంతవరకు సమంజసం?" అంటూ హరీశ్ శంకర్ అసహనం వ్యక్తం చేశారు. ఏ పోలీస్ కథలో అయినా హీరో సంఘ విద్రోహ శక్తులపై పోరాడతాడని, 'తెరి', 'టెంపర్' వంటి సినిమాలన్నీ ఆ కోవకే చెందుతాయని అన్నారు.
పవన్ కల్యాణ్ కెరీర్లో 'గబ్బర్ సింగ్' ఇండస్ట్రీ హిట్గా నిలిచిన సంగతి తెలిసిందే. ఆ సినిమా తర్వాత ఈ కాంబోలో వస్తున్న 'ఉస్తాద్ భగత్ సింగ్'పై భారీ అంచనాలు నెలకొన్నాయి. మైత్రీ మూవీ మేకర్స్ నిర్మిస్తున్న ఈ చిత్రంలో పవన్ పవర్ఫుల్ పోలీస్ ఆఫీసర్గా నటిస్తున్నారు. శ్రీలీల, రాశీ ఖన్నా హీరోయిన్లుగా నటిస్తున్నారు. ఇప్పటికే విడుదలైన గ్లింప్స్, పాటలకు అద్భుతమైన స్పందన రాగా, సినిమా ఈ నెల 26న విడుదలకు సిద్ధమవుతోంది.
