తనయుడు, సోదరుడితో కలిసి శబరిమల అయ్యప్ప దర్శనానికి పెద్దిరెడ్డి... వీడియో ఇదిగో!

మాజీ మంత్రి పెద్దిరెడ్డి రామచంద్రారెడ్డి శబరిమల అయ్యప్పస్వామి దర్శనానికి బయల్దేరారు. తనయుడు మిథున్ రెడ్డి, సోదరుడు ద్వారకానాథరెడ్డితో కలిసి ఈ ఉదయం కేరళలోని పంబ నుంచి శబరిమల కొండ పైకి పయనమయ్యారు.

కాషాయ దుస్తుల్లో ఉన్న పెద్దిరెడ్డి తలపై ఇరుముడితో నడుస్తుండగా, పక్కనే మిథున్ రెడ్డి, వెనుకగా ద్వారకానాథరెడ్డి అనుసరించారు. ఈ విషయాన్ని పెద్దిరెడ్డి తన సోషల్ మీడియా అకౌంట్ ద్వారా వెల్లడించారు. వీడియోను కూడా పంచుకున్నారు. 

ఇటీవల ఎన్నికల్లో వైసీపీకి 11 ఎమ్మెల్యే స్థానాలు, 4 ఎంపీ స్థానాలు రాగా... పుంగనూరు నుంచి పెద్దిరెడ్డి, తంబళ్లపల్లె నుంచి ఆయన సోదరుడు ద్వారకానాథరెడ్డి ఎమ్మెల్యేలుగా గెలుపొందారు. మిథున్ రెడ్డి రాజంపేట ఎంపీగా గెలిచారు.