Jr NTR: ‘దేవర’లో ఎన్టీఆర్ ఏ రేంజ్లో భయపెడతాడో చెప్పిన కొరటాల శివ
ఆర్ఆర్ఆర్తో గ్లోబల్ స్టార్గా మారిన టాలీవుడ్ యంగ్ టైగర్ జూనియర్ ఎన్టీఆర్ చేస్తున్న చిత్రం ‘దేవర’. జనతా గ్యారేజ్ చిత్రంతో తన కెరీర్లో గుర్తుండిపోయే విజయాన్ని అందించిన కొరటాల శివ దర్శకత్వంలో మరోసారి నటిస్తున్నారు. ఈ చిత్రంతో అలనాటి అతిలోక సుందరి శ్రీదేవి కూతురు జాన్వీ కపూర్ హీరోయిన్ గా టాలీవుడ్ కు పరిచయం కాబోతుంది. సైఫ్ అలీఖాన్ విలన్గా నటిస్తున్న ఈ చిత్రం షూటింగ్ శరవేగంగా జరుగుతోంది. తాజాగా శంషాబాద్లో కొత్త షెడ్యూల్ మొదలైంది. ప్రత్యేక సెట్లో కీలకమైన యాక్షన్ సన్నివేశాలను చిత్రీకరించనున్నట్టు తెలుస్తోంది. సముద్రం బ్యాక్ డ్రాప్లో తెరకెక్కుతున్న ఈ సినిమా భారీ యాక్షన్ సీన్స్ ప్రేక్షకులను ఆకట్టుకోనున్నాయి.
వచ్చే ఏడాది ఏప్రిల్ 5న విడుదల కానుంది. 250 రోజుల్లో సినిమా విడుదల కాబోతోందంటూ ఓ ప్రత్యేక వీడియోను చిత్ర బృందం నిన్న సోషల్ మీడియాలో విడుదల చేసింది. ఈ వీడియోలో కొరటాల శివ మాట్లాడుతూ ‘దేవర’లో ఎన్టీఆర్ పాత్రపై అంచనాలు పెంచేశారు. ‘ఈ కథలో మనుషుల కంటే ఎక్కువగా మృగాలు ఉంటాయి. వాళ్లకు దేవుడు, చావు అంటే భయం లేదు. ఒకే ఒక్కటంటే భయం. ఆ భయం ఉండాలి.. అవసరం. భయపెట్టడానికి ఈ సినిమా ప్రధాన పాత్ర ఏ రేంజ్ కు వెళ్తుందనేది ఎమోషనల్ రైడ్’ అంటూ చెప్పుకొచ్చారు. అనిరుద్ రవిచంద్రన్ సంగీతం అందిస్తున్న ఈ సినిమాను యువ సుధ ఆర్ట్స్, ఎన్టీఆర్ ఆర్ట్స్ సంస్థలు నిర్మిస్తున్నాయి.
వచ్చే ఏడాది ఏప్రిల్ 5న విడుదల కానుంది. 250 రోజుల్లో సినిమా విడుదల కాబోతోందంటూ ఓ ప్రత్యేక వీడియోను చిత్ర బృందం నిన్న సోషల్ మీడియాలో విడుదల చేసింది. ఈ వీడియోలో కొరటాల శివ మాట్లాడుతూ ‘దేవర’లో ఎన్టీఆర్ పాత్రపై అంచనాలు పెంచేశారు. ‘ఈ కథలో మనుషుల కంటే ఎక్కువగా మృగాలు ఉంటాయి. వాళ్లకు దేవుడు, చావు అంటే భయం లేదు. ఒకే ఒక్కటంటే భయం. ఆ భయం ఉండాలి.. అవసరం. భయపెట్టడానికి ఈ సినిమా ప్రధాన పాత్ర ఏ రేంజ్ కు వెళ్తుందనేది ఎమోషనల్ రైడ్’ అంటూ చెప్పుకొచ్చారు. అనిరుద్ రవిచంద్రన్ సంగీతం అందిస్తున్న ఈ సినిమాను యువ సుధ ఆర్ట్స్, ఎన్టీఆర్ ఆర్ట్స్ సంస్థలు నిర్మిస్తున్నాయి.
