ఎన్టీఆర్ మూవీ టైటిల్ ఇదేనంటూ రూమర్!

ఎన్టీఆర్ తన తాజా చిత్రాన్ని కొరటాల శివ దర్శకత్వంలో చేస్తున్నాడు. కెరియర్ పరంగా ఇది ఆయనకి 30వ సినిమా. ఎన్టీఆర్ ఆర్ట్స్ - యువ సుధా ఆర్ట్స్ వారు ఈ సినిమాను నిర్మిస్తున్నారు. ఇటీవలే ఈ సినిమా రెగ్యులర్ షూటింగు మొదలైంది. ఎన్టీఆర్ జోడీగా ఈ సినిమాతో జాన్వీ కపూర్ టాలీవుడ్ కి పరిచయమవుతోంది. 

ఈ సినిమాకి ఇంకా టైటిల్ ను ఖరారు చేయలేదు. అవసరమైన చోట ఎన్టీఆర్ 30వ సినిమాగానే పేర్కొంటూ వస్తున్నారు. అయితే ఈ సినిమాకి 'వస్తున్నా' అనే టైటిల్ ను సెట్ చేసినట్టుగా ఒక వార్త వినిపిస్తోంది. ఇటీవల బన్నీ బర్త్ డే సందర్భంగా 'పార్టీ లేదా పుష్ప' అని ఎన్టీఆర్ అడిగితే, 'వస్తున్నా' అని బన్నీ సమాధానమిచ్చాడు. 

ఇక అప్పటి నుంచి ఇదే ఆ సినిమా టైటిల్ అయ్యుంటుందనే ఊహాగానాలు మొదలయ్యాయి. బన్నీకి ముందుగా ఆ టైటిల్ గురించి తెలియడం వల్లనే ఆయన ఆ మాటను ఉపయోగించాడని అంటున్నారు. ఇదే టైటిల్ ను ఖరారు చేయవచ్చనే టాక్ బలంగానే షికారు చేస్తోంది. అనిరుధ్ సంగీతాన్ని సమకూర్చుతున్న ఈ సినిమాలో విలన్ గా సైఫ్ అలీఖాన్ కనిపించనున్నాడు.