Dulquer Salmaan: ఆ ఇద్దరు హీరోల వల్లనే దుల్కర్ కి హిట్ వెళ్లిందట!

తెలుగులో హీరోగా ఒక సినిమా చేయాలని ఉందంటూ దుల్కర్ చాలా సందర్భాల్లో చెప్పాడు. అనుకున్నట్టుగానే ' సీతా రామం' సినిమాలో హీరోగా చేశాడు. హను రాఘవపూడి దర్శకత్వం వహించిన ఈ సినిమా, తెలుగు రాష్ట్రాల్లో  కంటే ఎక్కువగా ఓవర్సీస్ ప్రేక్షకులను అలరించింది. చాలా ప్రాంతాల్లో సక్సెస్ ఫుల్ గా రన్ అవుతోంది. 

ఈ మధ్య కాలంలో దుల్కర్ కి దక్కిన పెద్ద హిట్ గా ఈ సినిమాను గురించి చెబుతున్నారు. తెలుగులో ముందుగా ఈ సినిమా కోసం నానీని అడిగారట. అయితే వేరే ప్రాజెక్టులు లైన్లో ఉండటం వలన నాని ఈ ప్రాజెక్టు చేయలేనని చెప్పాడట. ఆ తరువాత ఈ కథ రామ్ కి వెళ్లిందినీ, అయితే, మాస్ కథలపై మనసుపడిన రామ్ ఈ కథ పట్ల అంతగా ఆసక్తిని చూపించలేదని అంటున్నారు. 

 ఇక ఎవరైతే బాగుంటారా అని మేకర్స్ ఆలోచన చేసి, దుల్కర్ ను అడిగి చూద్దామని చెప్పేసి ఆయనను సంప్రదించారట. కథ నచ్చడంతో దుల్కర్ గ్రీన్ సిగ్నల్ ఇవ్వడం .. ఈ ప్రాజెక్టు పట్టాలెక్కడం జరిగిపోయాయని చెబుతున్నారు. నాని .. రామ్ చేయలేమని చెప్పిన కథ, దుల్కర్ కి హిట్ ఇచ్చిందనే టాక్ ఇప్పుడు బలంగా వినిపిస్తోంది.