Chiranjeevi: రవితేజకి బదులుగా మరో హీరోను ట్రై చేస్తున్న బాబీ!

చిరంజీవి కథానాయకుడిగా మోహన్ రాజా దర్శకత్వంలో రూపొందిన 'గాడ్ ఫాదర్' సినిమా దసరాకి విడుదలయ్యే అవకాశాలు ఉన్నాయి. ఆ తరువాత లైన్లో ఉన్నది బాబీ దర్శకత్వంలో రూపొందుతున్న 'వాల్తేర్ వీరయ్య'నే. ఈ సినిమాలో కథానాయికగా శ్రుతిహాసన్ ను తీసుకున్నారు. ఆల్రెడీ ఆమె కూడా షూటింగులో జాయిన్ అయింది.     

ఈ సినిమాలో ఒక ముఖ్యమైన పాత్ర కోసం రవితేజను అనుకున్నారు. ఆయన కూడా మెగాస్టార్ కోసం ఆ పాత్రను చేయడానికి ఒప్పుకున్నట్టుగా వార్తలు వచ్చాయి. అయితే ఇప్పుడు ఆయన ఈ సినిమాలో చేసే అవకాశం లేదని తెలుస్తోంది. తన సినిమాల షెడ్యూల్స్ వెంటవెంటనే ఉండటం వలన, డేట్స్ సర్దుబాటు చేయలేనని చెప్పాడని టాక్. 

దాంతో బాబీ ఆ పాత్ర కోసం మరో హీరోను ఎంపిక చేసుకునే పనిలో పడినట్టుగా చెబుతున్నారు. ఈ విషయంలో ఆల్రెడీ ఒకరిద్దరు  హీరోలను సంప్రదించినట్టుగా కూడా తెలుస్తోంది. చివరికి ఆ పాత్ర కోసం ఎవరిని ఎంపిక చేస్తారనేది చూడాలి. వచ్చే వేసవిలో ఈ సినిమాను విడుదల చేయాలనే ఉద్దేశంతో ఉన్నారు.