నాకు మూడు ఫ్యామిలీలు ఉన్నాయ్: అనిల్ రావిపూడి

30-05-2022 Mon 18:32
  • 'ఎఫ్ 3' సెలబ్రేషన్స్ లో అనిల్ రావిపూడి
  • కంటెంట్ ఉంటే కాదనరంటూ కితాబు 
  • సినిమాను ఆదరిస్తున్నందుకు థ్యాంక్స్ చెప్పిన దర్శకుడు 
  • వసూళ్లు పెరుగుతున్నందుకు హ్యాపీగా ఉందంటూ వ్యాఖ్య
F3 movie Block Buster Fun Ride Celabrations
ఈ నెల 27వ తేదీన విడుదలైన 'ఎఫ్ 3' సినిమా భారీ సక్సెస్ ను సాధించిందంటూ, ఈ సినిమా టీమ్ సక్సెస్ సెలబ్రేషన్స్ కి సంబంధించిన ఈవెంట్ ను నిర్వహించింది. ఈ వేదికపై అనిల్ రావిపూడి మాట్లాడుతూ .. "థంబ్ నేల్స్ పెట్టుకోండి, నాకు మూడు ఫ్యామిలీలు. ఒక ఫ్యామిలీ ఇంటి దగ్గర ఉంది .. మరో ఫ్యామిలీ ఇక్కడున్న ఈ టీమ్ అంతా. మూడో ఫ్యామిలీ ప్రేక్షకులు. 

ఇప్పుడున్న పరిస్థితుల్లో ఇండస్ట్రీకి ఏడాదికి పది హిట్లు కూడా వస్తాయో రావో తెలియడం లేదు. అలాంటి ఈ పరిస్థితుల్లో నిర్మాతలు చాలా ఇబ్బందులు పడుతున్నారు. ఎన్నింటినో దాటుకుని ఒక సినిమాను ప్రేక్షకుల ముందుకు తీసుకుని రావలసి వస్తోంది. కంటెంట్ బాగుంటే చాలు .. మీరంతా నెత్తుమీద పెట్టుకుని ఆదరిస్తున్నారు. 

ఈ సినిమా విడుదలైన దగ్గర నుంచి వసూళ్లు .. ప్రశంసలు పెరుగుతున్నాయి. ఈ వారమంతా కూడా ఈ సినిమా బాగా ఆడాలని .. అందరూ సంతోషంగా ఉండాలని కోరుకుంటున్నాను. కోవిడ్ తరువాత వచ్చిన 'అఖండ' .. 'పుష్ప'  .. 'భీమ్లా నాయక్' .. 'ఆర్ ఆర్ ఆర్' ఇలా అన్ని సినిమాలు ప్రేక్షకులను థియేటర్స్ కి తీసుకురావడానికే ప్రయత్నించాయి. ఆ సినిమాల సరసన 'ఎఫ్ 3' నిలవడం ఆనందంగా ఉంది" అని చెప్పుకొచ్చాడు.