ఆచార్య చిత్రం నుంచి 'సిద్ధ' టీజర్ విడుదల

28-11-2021 Sun 16:58
  • చిరంజీవి హీరోగా కొరటాల శివ దర్శకత్వంలో 'ఆచార్య'
  • సిద్ధ పాత్రలో నటిస్తున్న రామ్ చరణ్
  • రామ్ చరణ్ కు జోడీగా పూజ హెగ్డే
  • ఫిబ్రవరి 4న ఆచార్య రిలీజ్
Latest teaser from Acharya movie out now
చిరంజీవి హీరోగా కొరటాల శివ దర్శకత్వంలో రూపుదిద్దుకుంటున్న చిత్రం 'ఆచార్య'. ఇందులో రామ్ చరణ్ ఓ పవర్ ఫుల్ పాత్ర పోషిస్తున్నారు. ఆయన పాత్ర పేరు సిద్ధ. తాజాగా సిద్ధ పాత్రకు సంబంధించిన టీజర్ ను 'ఆచార్య' చిత్రబృందం నేడు రిలీజ్ చేసింది. ఈ టీజర్ ఆరంభంలో... "ఓం సహనావవతు సహనౌ భునక్తు..." అంటూ కఠోపనిషత్తు శాంతిమంత్రం బ్యాక్ గ్రౌండ్ లో వినిపిస్తూ ఉంటుంది. రామ్ చరణ్, పూజ హెగ్డేలతో కూడిన సన్నివేశాలు, ఓ వీరోచిత పోరాట దృశ్యం ఈ టీజర్ లో పొందుపరిచారు.

'ఆచార్య' చిత్రంలో చిరంజీవి సరసన కాజల్ అగర్వాల్ కథానాయిక కాగా, రామ్ చరణ్ కు జోడీగా పూజ హెగ్డే నటిస్తోంది. మ్యాట్నీ ఎంటర్టయిన్ మెంట్స్, కొణిదెల ప్రొడక్షన్ కంపెనీ బ్యానర్లపై తెరకెక్కుతున్న ఈ చిత్రం వచ్చే ఏడాది ఫిబ్రవరి 4న ప్రేక్షకుల ముందుకు రానుంది.