Mehrin: సినిమా కబుర్లు.. సంక్షిప్త సమాచారం

*  తన వివాహాన్ని రద్దు చేసుకున్న తర్వాత నుంచీ కథానాయిక మెహ్రీన్ సినిమాలలో బిజీ అవుతోంది. వివిధ భాషలలో సినిమాలను అంగీకరిస్తూ సాగుతోంది. ఈ క్రమంలో తాజాగా తొలిసారిగా ఓ కన్నడ సినిమాలో కూడా నటిస్తోంది. శివరాజకుమార్ హీరోగా రామ్ ధూళిపూడి దర్శకత్వంలో రూపొందుతున్న 'సిగువరేగు' చిత్రంలో మెహ్రీన్ కథానాయికగా నటిస్తోంది. మరోపక్క, తెలుగులో ప్రస్తుతం మూడు సినిమాలు చేస్తోంది.
*  మెగాస్టార్ చిరంజీవి, కొరటాల శివ కలయికలో రూపొందుతున్న 'ఆచార్య' చిత్రం నిర్మాణ కార్యక్రమాలు జోరుగా సాగుతున్నాయి. కాగా ఈ చిత్రాన్ని అక్టోబర్ 1న రిలీజ్ చేయడానికి నిర్ణయించినట్టు తెలుస్తోంది. చిరంజీవి జన్మదినం ఆగస్టు 22న ఇందుకు సంబంధించిన అధికారిక ప్రకటన ఉంటుందని తెలుస్తోంది.
*  కథానాయిక నయనతార మరో మలయాళ చిత్రంలో నటించడానికి ఓకే చెప్పింది. 'ప్రేమమ్' ఫేమ్ ఆల్ఫోన్స్ పుత్రేన్ దర్శకత్వంలో పృథ్వీరాజ్ హీరోగా రూపొందే చిత్రంలో నయనతార కథానాయికగా నటిస్తుంది.