సుకుమార్ చేతుల మీదుగా 'సిగ్గెందుకురా మావ' సాంగ్!

22-06-2021 Tue 17:55
  • తెలుగు తెరకు మరో ప్రేమకథ
  • కిరణ్ జోడీగా ప్రియాంక జవాల్కర్
  • దర్శకుడిగా శ్రీధర్ పరిచయం
  • త్వరలో రిలీజ్ డేట్ ప్రకటన
Sukumar released SR Kalyana Mantapam special song

తెలుగు తెరను పలకరించడానికి మరో ప్రేమకథ రెడీ అవుతోంది. 'ఎస్.ఆర్.కల్యాణ మంటపం EST 975' టైటిల్ తో ఈ సినిమా నిర్మితమైంది. కిరణ్ అబ్బవరం హీరోగా నటించిన ఈ సినిమాలో ఆయన జోడీగా ప్రియాంక జవాల్కర్ అలరించనుంది. ఈ సినిమాతో దర్శకుడిగా శ్రీధర్ పరిచయమవుతున్నాడు. చేతన్ భరద్వాజ్ సంగీతాన్ని అందించిన ఈ సినిమా నుంచి ఆల్రెడీ రెండు లిరికల్ సాంగులు బయటికి వచ్చాయి. తాజాగా సుకుమార్ చేతుల మీదుగా మరో లిరికల్ వీడియో సాంగ్ ను రిలీజ్ చేయించారు. 'సిగ్గెందుకురా మావా' అంటూ ఈ పాట సాగుతోంది.

అందమైన అమ్మాయిల వెంటపడినప్పుడు వాళ్లు తిడుతుంటారు .. అయినా పట్టించుకోకుండా .. సిగ్గును మడిచేసి జేబులో పెట్టేసుకుని ఫాలో కావలసిందే అనే అర్థంలో ఈ పాట సాగుతోంది. ఓ కుర్రాడికి ప్రేమపై గల అభిప్రాయాన్ని తేలికైన పదాలతో భాస్కరభట్ల చెప్పిన తీరు బాగుంది. అనురాగ్ కులకర్ణి ఆలాపన ప్రత్యేక ఆకర్షణగా నిలిచింది. ఈ సినిమాపై ప్రియాంక జవాల్కర్ ఎన్నో ఆశలు పెట్టుకుంది. థియేటర్లు ఓపెన్ అయిన తరువాత రిలీజ్ డేట్ ను ప్రకటిస్తారట. యూత్ ను ఈ సినిమా ఎంతవరకూ ఆకట్టుకుంటుందో చూడాలి.