బోటు కోసం ప‌రిగెత్తుకెళ్లిన హీరోయిన్ కీర్తి సురేష్‌.. ఫ‌న్నీ వీడియో

వ‌రుస సినిమాలు చేస్తూ బిజీగా ఉన్న హీరోయిన్ కీర్తి సురేష్ తాజాగా ఇన్‌స్టాగ్రామ్‌లో ఓ ఫ‌న్నీ వీడియోను పోస్ట్ చేసింది. బోటును ఆపండి అంటూ ఆమె ఇందులో ప‌రుగులు తీస్తున్న‌ట్లు క‌న‌పడింది. ఆమె కాస్త‌ ఆల‌స్యంగా రావ‌డంతో ఎక్కాల్సిన బోటు క‌దలబోయింది.

దీంతో కీర్తి సురేష్ ప‌రుగులు తీస్తూ బోటును ఆపాల‌ని చేతిని చూపిస్తూ ప‌రిగెత్తింది. ఆమె వెనకాలే ప‌రిగెత్తుతూ ఈ దృశ్యాల‌ను వీడియో తీస్తూ మ‌రొక‌రు వ‌చ్చారు. వీడియో తీయ‌డాన్ని ఆపాల‌ని కీర్తి సురేష్ చెప్పింది. ఈ వీడియోనే కీర్తి సురేష్ పోస్ట్ చేసింది.

కాగా, నితిన్‌తో క‌లిసి ఆమె న‌టించిన రంగ్ దే సినిమా ఇటీవ‌లే విడుద‌లైన విష‌యం తెలిసిందే. ఆ సినిమా విడుద‌ల నేప‌థ్యంలో ఆమె ఆ సినీ బృందంతో క‌లిసి ప్ర‌చార కార్య‌క్ర‌మాల్లో పాల్గొంది.