China: చైనా సైనికుల్లో పాక్ ఎన్ఎస్జీ కమాండోలు... ఈ వీడియోనే సాక్ష్యం!

సరిహద్దుల్లో భారత సైన్యాన్ని నిలువరించేందుకు చైనా బలగాలకు పాక్ కమాండోలు శిక్షణ ఇస్తున్నారా? ఈ చిత్రాన్ని చూస్తే ఔననే అనిపిస్తుంది. వాస్తవ నియంత్రణ రేఖ వద్ద చైనా దళాలు తమ జాతీయ గీతాన్ని పాడుతున్న వీడియోను ఓ జర్నలిస్ట్, తన ట్విట్టర్ ఖాతాలో పోస్ట్ చేశారు. అంతవరకూ ఓకే... అందులో చైనా సైనికులతో పాటు పొడవుగా గడ్డంతో ఉన్న ఓ వ్యక్తి కనిపిస్తుండటమే ఇప్పుడు చర్చనీయాంశమైంది.

చైనా పోలికలు ఎంతమాత్రమూ లేని ఈ వ్యక్తి ఎవరన్న విషయమై సామాజిక మాధ్యమాల్లో పెద్ద చర్చే సాగుతోంది. ఈ వీడియోను పరిశీలించిన భారత సైనిక నిపుణులు, అతను పాక్ కు చెందిన ఎన్ఎస్జీ కమాండో అయ్యుంటాడని అంచనా వేస్తున్నారు. పర్వత ప్రాంతాల్లో యుద్ధం ఎలా చేయాలి, ప్రణాళికలు ఎలా ఉండాలన్న విషయమై చైనా సైనికులకు విక్షణ ఇచ్చేందుకు వచ్చుంటాడని అంటున్నారు.