Harbhajan Singh: చెన్నై సూపర్ కింగ్స్ కు మరో షాక్.. ఐపీఎల్ నుంచి తప్పుకున్న హర్భజన్ సింగ్!

ఇప్పటికే స్టార్ బ్యాట్స్ మెన్ సురేష్ రైనా ఐపీఎల్ నుంచి తప్పుకోవడంతో చెన్నై సూపర్ కింగ్స్ జట్టుకు పెద్ద షాక్ తగిలింది. దీన్నుంచి ఇంకా కోలుకోక ముందే ఆ ఫ్రాంచైజీకి టాప్ స్పిన్నర్ హర్భజన్ సింగ్ మరో షాక్ ఇచ్చాడు. ఈ ఐపీఎల్ లో తాను ఆడబోవడం లేదని సీఎస్కే యాజమాన్యానికి తెలిపాడు.

వ్యక్తిగత కారణాల వల్ల తాను ఈ సీజన్ లో ఆడటం లేదని వెల్లడించాడు. సీఎస్కే జట్టు సభ్యులందరూ ఇప్పటికే యూఏఈకి వెళ్లారు. భజ్జీ మాత్రం ఇండియాలోనే ఉండిపోయాడు. ఈ అంశంపై చర్చ జరుగుతుండగానే... భజ్జీ తాను ఆడలేనని ప్రకటించాడు. ఇప్పటికే సీఎస్కే జట్టును కరోనా వెంటాడుతోంది. ఈ నేపథ్యంలో, ఇద్దరు టాప్ ప్లేయర్లు దూరం కావడం ఆ జట్టుకు ఇబ్బందికర పరిణామమని చెప్పుకోవచ్చు.