MS Dhoni: నమ్మక తప్పదు... ఇతను మన ఎంఎస్ ధోనీయే!

మహేంద్ర సింగ్ ధోనీ... పరిచయం అక్కర్లేని పేరు. వరల్డ్ కప్ తరువాత, మరోమారు బ్యాట్ పట్టుకోనప్పటికీ, ఇంకా అతనిపై ఉన్న క్రేజ్ తగ్గలేదు. కరోనా రాకుండా వుండివుంటే, ఐపీఎల్ లో చెన్నై సూపర్ కింగ్స్ తరఫున బరిలోకి దిగి, మైదానంలో తన సత్తా చాటుండేవాడు కూడా.

ఇక, తాజాగా, ధోనీకి సంబంధించిన ఓ ఫోటో నెట్టింట వైరల్ అవుతోంది. లాక్ డౌన్ కారణంగా ఇంటికే పరిమితమైన ధోనీ, తన కుమార్తె జీవాతో ఆటాడుకుంటూ, ఓ వీడియోను పోస్ట్ చేశాడు. అంతవరకూ బాగానే ఉంది. కానీ, ధోనీ పోస్ట్ చేసిన వీడియో, ఫ్యాన్స్ కు షాకిస్తోంది.

తెల్లగడ్డంతో గుర్తు పట్టలేని విధంగా ధోనీ కనిపిస్తున్నారు. ఫిట్ నెస్ కూడా కొంత తగ్గిపోయినట్టు కనిపిస్తోంది. ఇక నాటి జులపాల జుట్టు కుర్రాడు, ఇప్పుడు ఇలా అయిపోయాడేంటని ఈ ఫోటో చూసిన వారంతా కామెంట్లు పెడుతున్నారు.