Mahesh Babu: తన తనయుడికి మహేశ్ పాత్ర పేరును పెట్టిన అనిల్ రావిపూడి

అనిల్ రావిపూడి దర్శకత్వంలో మహేశ్ బాబు కథానాయకుడిగా వచ్చిన 'సరిలేరు నీకెవ్వరు' భారీ విజయాన్ని సాధించింది. ఈ సినిమా ప్రీ రిలీజ్ ఈవెంట్ జరుగుతున్న సమయంలోనే ఆయన భార్య ఓ మగబిడ్డకి జన్మనిచ్చింది. అప్పుడు ఆయన పొందిన ఆనందం అంతా ఇంతా కాదు.

ఆ సినిమా సక్సెస్ ఇచ్చిన ఆనందం .. ఆ సమయంలో ఆయన పొందిన అనుభూతి ఎప్పటికీ గుర్తుండేలా ఆయన ఒక నిర్ణయం తీసుకున్నాడు. 'సరిలేరు నీ కెవ్వరు' సినిమాలో మహేశ్ బాబు పాత్ర పేరు 'అజయ్ కృష్ణ'. మహేశ్ పాత్రను డిజైన్ చేసిన కారణంగా ఆ పాత్ర జనంలోకి దూసుకుపోయింది. ఆ పాత్ర పేరులో నుంచి 'అజయ్'ను తీసుకుని, ఆ పేరు పక్కన 'సూర్యాంశ్' ను జోడించాడు. అలా ఆయన తన తనయుడికి 'అజయ్  సూర్యాంశ్ 'అని నామకరణం చేసినట్టుగా ఒక ఇంటర్వ్యూలో చెప్పారు. మహేశ్ బాబు పట్ల అభిమానం .. ఆ పాత్ర పట్ల ప్రేమ కారణంగానే తాను అలా చేశానని ఆయన అన్నాడు.