ap7am logo

అలాంటివి చేయలేకే సినిమాలను వదులుకున్నా: శ్రీముఖి

Fri, Apr 10, 2020, 10:18 AM
  • సినిమాలు చేయడం నాన్నకు ఇష్టంలేదు
  • రెండు, మూడు సినిమా ఆఫర్లు వచ్చినా తిరస్కరించా
  • ఎక్స్ పోజింగ్, లిప్ లాక్ సీన్లు చేయాలని అడిగారు
బుల్లితెరపై తనదైన శైలిలో సందడి చేస్తున్న శ్రీముఖికి... ఎంతో మంది అభిమానులు ఉన్నారు. పలు షోలను హోస్ట్ చేసిన శ్రీముఖి... బిగ్ బాస్-3లో రన్నర్ గా నిలిచి సత్తా చాటింది. రెండు, మూడు సినిమాల్లో కూడా  శ్రీముఖి నటించింది. హీరోయిన్ గా చేసింది. 'జులాయి' సినిమాలో అల్లు అర్జున్ చెల్లెలుగా కూడా నటించింది. ఆ తర్వాత సినిమాలకు దూరంగా ఉండిపోయింది. ఆమె సినిమాలకు దూరం కావడం అభిమానులను కూడా నిరాశపరిచింది. దీనిపై ఓ టీవీలో శ్రీముఖి స్పందించింది.

'జులాయి' చిత్రం చేస్తున్నప్పుడే సినిమాలు వద్దని తన తండ్రి చెప్పారని శ్రీముఖి తెలిపింది. ఈ సినిమానే చివరి చిత్రం కావాలని ఆదేశించారని చెప్పింది. అయితే ఆ తర్వాత రెండు, మూడు ఆఫర్లు రావడంతో ఆ సినిమాల్లో కూడా నటించానని... ఆ తర్వాత సినిమాలకు ఫుల్ స్టాప్ పెట్టి, టీవీ షోలతో బిజీ అయ్యానని తెలిపింది.

టీవీ షోలు చేస్తుంటే, సినిమా అవకాశాలు రావని డైరెక్టర్ త్రివిక్రమ్ శ్రీనివాస్ కూడా చెప్పారని... ఆయన చెప్పినట్టుగానే జరిగిందని వెల్లడించింది. ఆ తర్వాత రెండు, మూడు సినిమా ఆఫర్లు వచ్చినప్పటికీ వాటిని తిరస్కరించానని తెలిపింది. వాటిలో తన పాత్రకు తగిన ప్రాముఖ్యత లేకపోవడం ఒక కారణమైతే... ఎక్స్ పోజింగ్, లిప్ లాక్ సీన్లు చేయాలని అడగడం మరో కారణమని చెప్పింది. అలాంటివి చేయడం మన వల్ల కాదనే సినిమాలు వదులుకున్నానని తెలిపింది. ఆ తర్వాత టీవీ షోలతో బిజీ అయిపోయానని చెప్పింది.
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
X

Feedback Form

I agree to Terms of Service & Privacy Policy
GarudaVega Banner Ad