పవన్ రాజకీయాలు వదిలి సినిమాలు చేసుకోవాలి: వైసీపీ నేత జక్కంపూడి రాజా సలహా

అమరావతిలో రైతులకు ఎవరూ ఇబ్బంది కలిగించొద్దని వైసీపీ నేత, ఎమ్మెల్యే జక్కంపూడి రాజా సూచించారు. ఈ రోజు ఆయన మీడియాతో మాట్లాడారు. అసెంబ్లీలో సీఎం జగన్ ప్రకటనతో చంద్రబాబు, పవన్ కల్యాణ్ ఆందోళనకు గురవుతున్నారని విమర్శించారు. వారిద్దరూ రైతులను రెచ్చగొట్టే కార్యక్రమాలను చేస్తున్నారన్నారు.

రాజధాని రైతులకు పూర్తి న్యాయం చేస్తామని సీఎం హామీ ఇచ్చారని జక్కంపూడి ఈ సందర్భంగా చెప్పారు. చంద్రబాబు, పవన్ లు తమ వైఖరిని మార్చుకోవాలని పేర్కొన్నారు. రాష్ట్ర పరిస్థితులపై పవన్ కల్యాణ్ కు అవగాహన లేదంటూ.. పవన్ తన యాక్టింగ్ ను ఆపేయాలని పేర్కొన్నారు. పవన్ రాజకీయాలు వదిలేసి సినిమాలు చేసుకుంటే మంచిదని ఎద్దేవా చేశారు.