Chiranjeevi: చిరంజీవి నివాసంలో కొత్త వెండి పూజా మంటపం

టాలీవుడ్ అగ్రనటుడు చిరంజీవి సైరా షూటింగ్ లో తలమునకలుగా ఉన్నారు. అయితే, దైవభక్తి మెండుగా ఉన్న ఆయన పూజా కార్యక్రమాల కోసం ప్రత్యేకంగా ఓ వెండి మంటపం తయారు చేయించుకున్నారు. దానికి సంబంధించిన ఫొటోలు సోషల్ మీడియాలో వైరల్ అవుతున్నాయి. కర్నూలు జిల్లా ఆదోనికి చెందిన రంగన్నచారి సన్స్ అండ్ మెటల్ వర్క్స్ నిపుణులు ఈ వెండి మంటపాన్ని తయారు చేశారు. ఇటీవలే దేవుడి వెండి మంటపం కోసం చిరంజీవి ఆర్డర్ ఇవ్వగా, రంగన్నచారి మెటల్ వర్క్స్ నిపుణులు వెండి మంటపాన్ని తయారు చేసి చిరంజీవి నివాసానికి తీసుకువచ్చారు. వారితో కలిసి చిరంజీవి ఫొటోలు దిగారు.