సినిమా కబుర్లు.. సంక్షిప్త సమాచారం

 *  అనుష్క ప్రధాన పాత్ర పోషిస్తున్న 'సైలెన్స్' చిత్రం షూటింగ్ గత కొన్నాళ్లుగా అమెరికాలో జరుగుతోంది. ప్రధాన తారాగణంపై సన్నివేశాలను అక్కడ చిత్రీకరిస్తున్నారు. ఇప్పటికి ఏభై శాతం టాకీ పార్ట్ పూర్తయినట్టు చెబుతున్నారు. హేమంత్ మధుకర్ దీనికి దర్శకత్వం వహిస్తున్నాడు.
*  చిరంజీవి, కొరటాల శివ కాంబినేషన్లో ఓ భారీ చిత్ర నిర్మాణానికి సన్నాహాలు జరుగుతున్న విషయం విదితమే. ప్రస్తుతం ప్రీ ప్రొడక్షన్ పనులను జరుపుకుంటున్న ఈ చిత్రం షూటింగ్ అక్టోబర్ నుంచి జరుగుతుందని తెలుస్తోంది. ఇదిలా ఉంచితే, చిరంజీవి నటించిన 'సైరా' చిత్రం పోస్ట్ ప్రొడక్షన్ పనులు ప్రస్తుతం ముమ్మరంగా జరుగుతున్నాయి.  
*  వరుణ్ తేజ్ హీరోగా హరీశ్ శంకర్ దర్శకత్వంలో రూపొందుతున్న 'వాల్మీకి' చిత్రం తాజా షెడ్యూలు షూటింగ్ నిన్నటి నుంచి అనంతపురంలో జరుగుతోంది. గత షెడ్యూల్ ను కర్నూల్ లో నిర్వహించిన సంగతి మనకు తెలిసిందే. ఇందులో పూజా హెగ్డే కథానాయికగా నటిస్తోంది.