డూప్ లేకుండా యాక్షన్ సీన్స్ లో పాల్గొంటున్న రాజశేఖర్!

మొదటి నుంచి కూడా రాజశేఖర్ యాక్షన్ చిత్రాలకి పెట్టింది పేరు. చాలాకాలం తరువాత 'గరుడవేగ' సినిమాతో హిట్ కొట్టిన ఆయన, ఆ ఉత్సాహంతో మరో యాక్షన్ ఎంటర్టైనర్ చేస్తున్నారు. ప్రశాంత్ వర్మ దర్శకత్వంలో 'కల్కి' పేరుతో ఈ సినిమా రూపొందుతోంది. 1983 నాటి నేపథ్యంలో సాగే ఈ కథలో రాజశేఖర్ పోలీస్ ఆఫీసర్ గా కనిపించనున్నారు.

ప్రస్తుతం ఈ సినిమాకి సంబంధించిన కీలకమైన సన్నివేశాలను చిత్రీకరిస్తున్నారు. రీసెంట్ గా 7 నిమిషాల నిడివి కలిగిన ఒక యాక్షన్ సీన్ ను రాజశేఖర్ పై చిత్రీకరించారట. రిస్కీ సీన్ అయినప్పటికీ రాజశేఖర్ ఎంతమాత్రం ఆలోచించకుండా .. డూప్ లేకుండా సింగిల్ టేక్ లో ఈ సీన్ చేశారని చెబుతున్నారు. ఈ సీన్ ఈ సినిమా హైలైట్స్ లో ఒకటిగా నిలుస్తుందని అంటున్నారు. కొన్ని రోజుల క్రితం ఇదే సినిమా యాక్షన్ సీన్స్ చిత్రీకరణలో రాజశేఖర్ గాయపడిన సంగతి తెలిసిందే. అయినా ఆయన మళ్లీ డూప్ లేకుండా రిస్క్ చేస్తుండటం విశేషం.