రక్తంతో లవ్ లెటర్స్ రాసేవాడు .. ఏకంగా ఇంటికి కూడా వచ్చేశాడు: సీనియర్ హీరోయిన్ లత

తెలుగు .. తమిళ .. మలయాళ .. కన్నడ భాషల్లో దాదాపు 200 సినిమాలలో లత కథానాయికగా నటించారు. తెలుగులో ఎన్టీఆర్ .. ఏఎన్నార్ .. కృష్ణ ..శోభన్ బాబు .. కృష్ణంరాజు తదితరులతో కలిసి ఆమె నటించారు. అలాంటి లత తాజాగా 'ఆలీతో సరదాగా' కార్యక్రమంలో మాట్లాడుతూ ఒక ఆసక్తికరమైన విషయం చెప్పుకొచ్చారు.

"ఒక రోజున నాకు ఒక లెటర్ వచ్చింది .. 'ప్రియమైన భార్యకి .. ఎలా వున్నావు .. బాగున్నావా .. నీకు డబ్బు పంపిస్తున్నాను .. త్వరలోనే వచ్చి నిన్ను తీసుకెళతాను' అంటూ ఒక మనియార్డర్ కూడా పంపించాడు. ఎవరో పిచ్చాడనుకుని పెద్దగా పట్టించుకోకుండా పక్కన పడేశాను. కానీ ప్రతి నెలా లవ్ లెటర్ తో పాటు మనియార్డర్ వస్తుండేది .. 200 రూపాయలు పంపించేవాడు. మనియార్డర్ మాత్రం నేను తిప్పిపంపించేసే దానిని. ఒక రోజున నేరుగా ఇంటికే వచ్చేశాడు .. మా వాళ్లు ఆయనను బయటికి పంపించేశారు. ఆ తరువాత తాను చాలా హర్ట్ అయ్యానంటూ రక్తంతో లెటర్ రాశాడు"అంటూ నవ్వేశారు.