- భారత జీడీపీలో మూడో వంతుతో సమానమైన నష్టం
- టెస్లా మొత్తం విలువను మించిన ఎన్విడియా నష్టం
- 52 వారాల గరిష్ఠం నుంచి 26 శాతానికి పైగా పడిపోయిన షేరు
- సీఈవో చుట్టూ గూఢచర్య ఆరోపణలు, ఏఐపై భయాలే కారణం
- నవంబర్‌ 17న వెలువడనున్న త్రైమాసిక ఫలితాలపై దృష్టి పెట్టిన ఇన్వెస్టర్లు
ప్రపంచంలోనే అతిపెద్ద చిప్‌ తయారీ సంస్థల్లో ఒకటైన ఎన్విడియాకు భారీ ఎదురుదెబ్బ తగిలింది. నెల రోజులకు పైగా కాలంలో కంపెనీ మార్కెట్‌ విలువ ఏకంగా 1.57 లక్షల కోట్ల డాలర్లు (సుమారు రూ.147.36 లక్షల కోట్లు) ఆవిరైంది. ఈ మొత్తం భారత్‌ వార్షిక స్థూల దేశీయోత్పత్తి (జీడీపీ)లో దాదాపు మూడో వంతుతో సమానం. చైనా గూఢచర్య ఆరోపణలు, కంపెనీ సీఈవో జెన్సన్‌ హువాంగ్‌ చుట్టూ నెలకొన్న వివాదాలు, కృత్రిమ మేధ (ఏఐ) రంగంలో పెట్టుబడుల భవిష్యత్తుపై ఆందోళనలు ఎన్విడియా షేర్లపై ప్రభావం చూపుతున్నాయి.
అక్టోబర్‌లో 52 వారాల గరిష్ఠ స్థాయికి చేరిన సమయంలో ఎన్విడియా మార్కెట్‌ విలువ 5.88 లక్షల కోట్ల డాలర్లుగా ఉంది. నవంబర్‌ 9 నాటికి అది 4.31 లక్షల కోట్ల డాలర్లకు పడిపోయింది. దీంతో కంపెనీ విలువలో 1.57 లక్షల కోట్ల డాలర్ల మేర కోత పడింది. ఈ నష్టం టెస్లా మొత్తం మార్కెట్‌ విలువైన 1.49 లక్షల కోట్ల డాలర్లను కూడా మించిపోయింది. నవంబర్‌ 9న ఎన్విడియా షేరు 178.67 డాలర్ల వద్ద ముగిసింది. 52 వారాల గరిష్ఠ ధర 243.37 డాలర్లతో పోలిస్తే 26 శాతానికి పైగా తగ్గింది. గత వారంలో 14 శాతం, గత నెలలో 22 శాతం క్షీణించింది.
ఏఐ రంగంలో పెట్టుబడులు ఇదే స్థాయిలో కొనసాగుతాయా? అన్న సందేహాలు, నియంత్రణపరమైన అనిశ్చితి కూడా షేర్ల పతనానికి కారణమవుతున్నాయి. మరోవైపు సీఈవో జెన్సన్‌ హువాంగ్‌ చుట్టూ గూఢచర్య ఆరోపణలు కలకలం రేపుతున్నాయి. సింగపూర్‌కు చెందిన డేటా సెంటర్‌ సంస్థ మెగాస్పీడ్‌లో గతంలో పనిచేసిన ఆలిస్‌ హువాంగ్‌తో తనకు వివాహేతర సంబంధం ఉన్నట్లు జెన్సన్‌ ఉద్యోగుల వద్ద అంగీకరించిన విషయం తెలిసిందే. చైనా నిఘా సంస్థ తరఫున పనిచేస్తున్నారనే అనుమానాలు ఆమెపై ఉన్నట్లు అమెరికా నిఘా వర్గాల రహస్య నివేదికలో పేర్కొన్నట్లు సమాచారం.
నవంబర్‌ 17న వెలువడనున్న త్రైమాసిక ఫలితాలపై ఇన్వెస్టర్లు దృష్టి సారించారు. 2027 ఆర్థిక సంవత్సరం రెండో త్రైమాసికంలో ఎన్విడియా 96.2 బిలియన్‌ డాలర్ల ఆదాయాన్ని నమోదు చేసింది. గత ఏడాదితో పోలిస్తే ఇది రెట్టింపు కంటే ఎక్కువ. ఇందులో డేటా సెంటర్‌ విభాగం వాటా 89 బిలియన్‌ డాలర్లు. మొత్తం ఆదాయంలో 92 శాతానికి పైగా ఈ విభాగం నుంచే వచ్చింది. మూడో త్రైమాసికంలో 108 బిలియన్‌ డాలర్ల ఆదాయం వస్తుందని కంపెనీ అంచనా వేసింది. ఏఐ చిప్‌లకు డిమాండ్‌ ఎంత బలంగా ఉందో తాజా ఫలితాలు స్పష్టం చేయనున్నాయి. షేరు ధర తగ్గినప్పటికీ వాల్‌స్ట్రీట్‌ విశ్లేషకులు మాత్రం ఆశాజనకంగానే ఉన్నారు. వచ్చే 12 నెలల్లో షేరు సగటు ధర 327.14 డాలర్లకు చేరవచ్చని అంచనా వేస్తున్నారు.
అక్టోబర్‌లో 52 వారాల గరిష్ఠ స్థాయికి చేరిన సమయంలో ఎన్విడియా మార్కెట్‌ విలువ 5.88 లక్షల కోట్ల డాలర్లుగా ఉంది. నవంబర్‌ 9 నాటికి అది 4.31 లక్షల కోట్ల డాలర్లకు పడిపోయింది. దీంతో కంపెనీ విలువలో 1.57 లక్షల కోట్ల డాలర్ల మేర కోత పడింది. ఈ నష్టం టెస్లా మొత్తం మార్కెట్‌ విలువైన 1.49 లక్షల కోట్ల డాలర్లను కూడా మించిపోయింది. నవంబర్‌ 9న ఎన్విడియా షేరు 178.67 డాలర్ల వద్ద ముగిసింది. 52 వారాల గరిష్ఠ ధర 243.37 డాలర్లతో పోలిస్తే 26 శాతానికి పైగా తగ్గింది. గత వారంలో 14 శాతం, గత నెలలో 22 శాతం క్షీణించింది.
ఏఐ రంగంలో పెట్టుబడులు ఇదే స్థాయిలో కొనసాగుతాయా? అన్న సందేహాలు, నియంత్రణపరమైన అనిశ్చితి కూడా షేర్ల పతనానికి కారణమవుతున్నాయి. మరోవైపు సీఈవో జెన్సన్‌ హువాంగ్‌ చుట్టూ గూఢచర్య ఆరోపణలు కలకలం రేపుతున్నాయి. సింగపూర్‌కు చెందిన డేటా సెంటర్‌ సంస్థ మెగాస్పీడ్‌లో గతంలో పనిచేసిన ఆలిస్‌ హువాంగ్‌తో తనకు వివాహేతర సంబంధం ఉన్నట్లు జెన్సన్‌ ఉద్యోగుల వద్ద అంగీకరించిన విషయం తెలిసిందే. చైనా నిఘా సంస్థ తరఫున పనిచేస్తున్నారనే అనుమానాలు ఆమెపై ఉన్నట్లు అమెరికా నిఘా వర్గాల రహస్య నివేదికలో పేర్కొన్నట్లు సమాచారం.
నవంబర్‌ 17న వెలువడనున్న త్రైమాసిక ఫలితాలపై ఇన్వెస్టర్లు దృష్టి సారించారు. 2027 ఆర్థిక సంవత్సరం రెండో త్రైమాసికంలో ఎన్విడియా 96.2 బిలియన్‌ డాలర్ల ఆదాయాన్ని నమోదు చేసింది. గత ఏడాదితో పోలిస్తే ఇది రెట్టింపు కంటే ఎక్కువ. ఇందులో డేటా సెంటర్‌ విభాగం వాటా 89 బిలియన్‌ డాలర్లు. మొత్తం ఆదాయంలో 92 శాతానికి పైగా ఈ విభాగం నుంచే వచ్చింది. మూడో త్రైమాసికంలో 108 బిలియన్‌ డాలర్ల ఆదాయం వస్తుందని కంపెనీ అంచనా వేసింది. ఏఐ చిప్‌లకు డిమాండ్‌ ఎంత బలంగా ఉందో తాజా ఫలితాలు స్పష్టం చేయనున్నాయి. షేరు ధర తగ్గినప్పటికీ వాల్‌స్ట్రీట్‌ విశ్లేషకులు మాత్రం ఆశాజనకంగానే ఉన్నారు. వచ్చే 12 నెలల్లో షేరు సగటు ధర 327.14 డాలర్లకు చేరవచ్చని అంచనా వేస్తున్నారు.
