హరీశ్ రావు మామ హనుమంతరావుకు హైకోర్టులో ఊరట
- సిద్దిపేట జిల్లాలోని 3.22 ఎకరాల భూమి విషయంలో చర్యలు వద్దని హైకోర్టు ఆదేశం
- ఆయన్ను భూమి నుంచి ఖాళీ చేయించవద్దని మధ్యంతర ఉత్తర్వులు
- కౌంటర్ దాఖలు చేయాలని రెవెన్యూ అధికారులకు నోటీసులు
- తదుపరి విచారణను నవంబర్ 2కి వాయిదా వేసిన న్యాయస్థానం
బీఆర్ఎస్ ఎమ్మెల్యే, మాజీ మంత్రి హరీశ్ రావు మామ మాధవరావు హనుమంతరావుకు సంబంధించిన భూవివాదం కేసులో తెలంగాణ హైకోర్టు కీలక ఆదేశాలు జారీ చేసింది. ఆయనపై ఎలాంటి బలవంతపు చర్యలు తీసుకోవద్దని అధికారులను ఆదేశిస్తూ మధ్యంతర ఉత్తర్వులు ఇచ్చింది.
సిద్దిపేట జిల్లా కొండపాక మండలం వెలికట్ట గ్రామంలోని 3.22 ఎకరాల భూమిని ప్రభుత్వం స్వాధీనం చేసుకోనుందంటూ సెప్టెంబర్ 29న రెవెన్యూ అధికారులు హనుమంతరావుకు షోకాజ్ నోటీసు ఇచ్చారు. ఈ నోటీసును సవాలు చేస్తూ ఆయన హైకోర్టులో పిటిషన్ దాఖలు చేశారు. దీనిపై విచారణ చేపట్టిన జస్టిస్ ఎన్.వి. శ్రవణ్ కుమార్ పిటిషనర్‌ను ఆ భూమి నుంచి ఖాళీ చేయించడం వంటి చర్యలకు పాల్పడవద్దని ఆదేశించారు.
పిటిషనర్ తరఫున సీనియర్ కౌన్సిల్ జె. రామచంద్రరావు వాదనలు వినిపిస్తూ... తన క్లయింట్ చాలా ఏళ్ల క్రితమే పట్టాదారు నుంచి చట్టబద్ధంగా భూమిని కొనుగోలు చేశారని కోర్టుకు తెలిపారు. ముందుగానే ఒక నిర్ణయానికి వచ్చి ఈ నోటీసులు జారీ చేశారని వాదించారు. వాదనలు విన్న న్యాయస్థానం, ఈ వ్యవహారంలో పూర్తి వివరాలతో కౌంటర్ దాఖలు చేయాలని రెవెన్యూ అధికారులను ఆదేశించింది. అనంతరం కేసు తదుపరి విచారణను నవంబర్ 2వ తేదీకి వాయిదా వేసింది.
సిద్దిపేట జిల్లా కొండపాక మండలం వెలికట్ట గ్రామంలోని 3.22 ఎకరాల భూమిని ప్రభుత్వం స్వాధీనం చేసుకోనుందంటూ సెప్టెంబర్ 29న రెవెన్యూ అధికారులు హనుమంతరావుకు షోకాజ్ నోటీసు ఇచ్చారు. ఈ నోటీసును సవాలు చేస్తూ ఆయన హైకోర్టులో పిటిషన్ దాఖలు చేశారు. దీనిపై విచారణ చేపట్టిన జస్టిస్ ఎన్.వి. శ్రవణ్ కుమార్ పిటిషనర్‌ను ఆ భూమి నుంచి ఖాళీ చేయించడం వంటి చర్యలకు పాల్పడవద్దని ఆదేశించారు.
పిటిషనర్ తరఫున సీనియర్ కౌన్సిల్ జె. రామచంద్రరావు వాదనలు వినిపిస్తూ... తన క్లయింట్ చాలా ఏళ్ల క్రితమే పట్టాదారు నుంచి చట్టబద్ధంగా భూమిని కొనుగోలు చేశారని కోర్టుకు తెలిపారు. ముందుగానే ఒక నిర్ణయానికి వచ్చి ఈ నోటీసులు జారీ చేశారని వాదించారు. వాదనలు విన్న న్యాయస్థానం, ఈ వ్యవహారంలో పూర్తి వివరాలతో కౌంటర్ దాఖలు చేయాలని రెవెన్యూ అధికారులను ఆదేశించింది. అనంతరం కేసు తదుపరి విచారణను నవంబర్ 2వ తేదీకి వాయిదా వేసింది.
