వెస్టిండీస్‌తో మ్యాచ్‌: టాస్‌ గెలిచి బ్యాటింగ్‌ ఎంచుకున్న టీమిండియా.. సచిన్‌ రికార్డులపై కోహ్లీ గురి!
- ఇప్పటికే 2-0తో సిరీస్‌ కైవసం చేసుకున్న టీమిండియా
- రెండు రికార్డులపై కన్నేసిన విరాట్‌ కోహ్లీ
- మరో సెంచరీతో సచిన్‌ రికార్డును దాటే అవకాశం
- ఈ మ్యాచ్‌తో అన్షుల్‌ కాంబోజ్‌ వన్డే అరంగేట్రం
- చివరి 13 వన్డేల్లో 12 ఓడిన వెస్టిండీస్‌
వెస్టిండీస్‌తో చివరి వన్డేలో టీమిండియా టాస్‌ గెలిచి బ్యాటింగ్‌ ఎంచుకుంది. జట్టులో మూడు కీలక మార్పులు చేశారు. నితీశ్‌ కుమార్‌ రెడ్డి, సిరాజ్‌ను టీమ్‌లోకి తీసుకున్నారు. ఈ మ్యాచ్‌తో అన్షుల్‌ కాంబోజ్‌ వన్డే అరంగేట్రం చేస్తుండడం విశేషం. ఇప్పటికే 2-0తో సిరీస్‌ను కైవసం చేసుకున్న భారత్‌.. చివరి మ్యాచ్‌లోనూ గెలిచి క్లీన్‌స్వీప్‌ చేయాలని చూస్తోంది. మరోవైపు స్టార్‌ బ్యాటర్‌ విరాట్‌ కోహ్లీ రెండు అరుదైన రికార్డులపై కన్నేశాడు. ఈ మ్యాచ్‌లో సెంచరీ సాధిస్తే లిస్ట్‌-ఏ క్రికెట్‌లో సచిన్‌ టెండుల్కర్‌ రికార్డును అధిగమించే అవకాశం ఉంది. స్వదేశంలో అత్యధిక అంతర్జాతీయ సెంచరీల ఘనతనూ సొంతం చేసుకునేందుకు కోహ్లీకి మరో శతకం అవసరం.
మొహాలీలోని న్యూ పీసీఏ స్టేడియంలో ఈ చివరి వన్డే జరుగుతోంది. గత రెండు వన్డేల్లో బ్యాటర్లదే పైచేయిగా నిలిచింది. తిరువనంతపురం, గువాహటిలో జరిగిన మ్యాచ్‌ల్లో కలిపి ఏకంగా 811 పరుగులు నమోదయ్యాయి. పిచ్‌లు బ్యాటింగ్‌కు మరీ అనుకూలంగా ఉండటంపై భారత ప్రధాన కోచ్‌ గౌతమ్‌ గంభీర్‌ అసంతృప్తి వ్యక్తం చేశాడు. బ్యాట్‌, బంతి మధ్య సమాన పోటీ ఉండాలని అభిప్రాయపడ్డాడు. దీంతో చివరి వన్డేలో భారత బౌలర్లు ఎలా రాణిస్తారన్నది ఆసక్తికరంగా మారింది.
మరోవైపు వెస్టిండీస్‌ చివరి మ్యాచ్‌లోనైనా గెలిచి సిరీస్‌ను ముగించాలని భావిస్తోంది. అయితే ఆ జట్టు గత 13 వన్డేల్లో 12 మ్యాచ్‌ల్లో ఓడిపోయింది. వన్డేల్లో ఆ జట్టు సాధించిన అత్యధిక స్కోర్లు 405, 389 పరుగులు కూడా ఓటముల్లోనే నమోదయ్యాయి.
ఇక కోహ్లీ ప్రస్తుతం లిస్ట్‌-ఏ క్రికెట్‌లో 59 సెంచరీలతో సచిన్‌ టెండూల్కర్‌తో సమంగా ఉన్నాడు. మరో సెంచరీ సాధిస్తే ఈ రికార్డులో సచిన్‌ను అధిగమిస్తాడు. స్వదేశంలో అత్యధిక అంతర్జాతీయ సెంచరీల విషయంలోనూ సచిన్‌ను దాటేందుకు కోహ్లీకి ఇంకో శతకం అవసరం.
భారత జట్టు: గిల్‌, రోహిత్‌, కోహ్లీ, రుతురాజ్‌, రాహుల్‌, నితీశ్‌, నమన్‌ ధీర్‌, కాంబోజ్‌, కుల్దీప్‌, సిరాజ్‌, గుర్నూర్‌ బ్రార్‌
వెస్టిండీస్‌ జట్టు: క్యాంప్‌బెల్‌, జువెల్‌, హోప్‌, జంగూ, రూథర్‌ఫోర్డ్‌, కీమో పాల్‌, మాథ్యూ ఫోర్డే, మోటీ, అల్జారీ జోసెఫ్‌, విటెల్‌ లాస్‌, సీల్స్‌
మొహాలీలోని న్యూ పీసీఏ స్టేడియంలో ఈ చివరి వన్డే జరుగుతోంది. గత రెండు వన్డేల్లో బ్యాటర్లదే పైచేయిగా నిలిచింది. తిరువనంతపురం, గువాహటిలో జరిగిన మ్యాచ్‌ల్లో కలిపి ఏకంగా 811 పరుగులు నమోదయ్యాయి. పిచ్‌లు బ్యాటింగ్‌కు మరీ అనుకూలంగా ఉండటంపై భారత ప్రధాన కోచ్‌ గౌతమ్‌ గంభీర్‌ అసంతృప్తి వ్యక్తం చేశాడు. బ్యాట్‌, బంతి మధ్య సమాన పోటీ ఉండాలని అభిప్రాయపడ్డాడు. దీంతో చివరి వన్డేలో భారత బౌలర్లు ఎలా రాణిస్తారన్నది ఆసక్తికరంగా మారింది.
మరోవైపు వెస్టిండీస్‌ చివరి మ్యాచ్‌లోనైనా గెలిచి సిరీస్‌ను ముగించాలని భావిస్తోంది. అయితే ఆ జట్టు గత 13 వన్డేల్లో 12 మ్యాచ్‌ల్లో ఓడిపోయింది. వన్డేల్లో ఆ జట్టు సాధించిన అత్యధిక స్కోర్లు 405, 389 పరుగులు కూడా ఓటముల్లోనే నమోదయ్యాయి.
ఇక కోహ్లీ ప్రస్తుతం లిస్ట్‌-ఏ క్రికెట్‌లో 59 సెంచరీలతో సచిన్‌ టెండూల్కర్‌తో సమంగా ఉన్నాడు. మరో సెంచరీ సాధిస్తే ఈ రికార్డులో సచిన్‌ను అధిగమిస్తాడు. స్వదేశంలో అత్యధిక అంతర్జాతీయ సెంచరీల విషయంలోనూ సచిన్‌ను దాటేందుకు కోహ్లీకి ఇంకో శతకం అవసరం.
భారత జట్టు: గిల్‌, రోహిత్‌, కోహ్లీ, రుతురాజ్‌, రాహుల్‌, నితీశ్‌, నమన్‌ ధీర్‌, కాంబోజ్‌, కుల్దీప్‌, సిరాజ్‌, గుర్నూర్‌ బ్రార్‌
వెస్టిండీస్‌ జట్టు: క్యాంప్‌బెల్‌, జువెల్‌, హోప్‌, జంగూ, రూథర్‌ఫోర్డ్‌, కీమో పాల్‌, మాథ్యూ ఫోర్డే, మోటీ, అల్జారీ జోసెఫ్‌, విటెల్‌ లాస్‌, సీల్స్‌
