ఆపరేషన్ సిందూర్ వేళ ఆసక్తికర పరిణామం.. ఎస్-400ల లొకేషన్ కోసం పాక్ విఫలయత్నాలు!
- S-400ల కోసం స్లీపర్ సెల్స్ను రంగంలోకి దించిన వైనం
- ఈ సంచలన విషయాన్ని వెల్లడించిన మాజీ ఎయిర్ మార్షల్ జితేంద్ర మిశ్రా
- భారత్ సరిహద్దుకు 200 కి.మీ ఆవలే పాక్ విమానాలు
- 314 కిలోమీటర్ల దూరంలో ఉన్న పాక్ నిఘా విమానాన్ని కూల్చివేసిన S-400
- విదేశీ ఉపగ్రహాల సాయం తీసుకున్నా లొకేషన్లను కనిపెట్టలేకపోయిన పాక్
గత ఏడాది భారత్-పాకిస్థాన్ మధ్య ఉద్రిక్తతలకు దారితీసిన ‘ఆపరేషన్ సిందూర్’ సమయంలో, భారత S-400 వాయు రక్షణ వ్యవస్థల లొకేషన్లను కనిపెట్టేందుకు పాకిస్థాన్ తీవ్రంగా ప్రయత్నించిందని, చివరికి దేశంలోని తమ స్లీపర్ సెల్స్ను కూడా రంగంలోకి దించిందని సంచలన విషయాలు వెలుగులోకి వచ్చాయి. ఈ కీలక ఆపరేషన్ సమయంలో భారత వైమానిక దళ పశ్చిమ కమాండ్కు అధిపతిగా వ్యవహరించిన రిటైర్డ్ ఎయిర్ మార్షల్ జితేంద్ర మిశ్రా ఈ విషయాలను స్వయంగా వెల్లడించారు. S-400 వ్యవస్థల వల్లే పాకిస్థాన్ ఫైటర్ జెట్లు భారత సరిహద్దుకు కనీసం 200 కిలోమీటర్ల సమీపంలోకి కూడా రాలేకపోయాయని ఆయన స్పష్టం చేశారు.
ఓ ఇంటర్వ్యూలో మాట్లాడుతూ, ఆపరేషన్ సిందూర్ సమయంలో S-400 వ్యవస్థలు పాకిస్థాన్కు అతిపెద్ద సవాల్గా నిలిచాయని మిశ్రా తెలిపారు. "పాకిస్థాన్ యుద్ధ విమానాలు గాల్లోకి లేచిన ప్రతిసారీ, వాటిని కూల్చివేసేందుకు మా S-400 సిద్ధంగా ఉండేది. దీంతో వారు తీవ్ర భయాందోళనకు గురయ్యారు. ఈ వ్యవస్థల స్థానాలను కనిపెట్టేందుకు గూఢచారులు, స్లీపర్ సెల్స్తో పాటు ఇతర నిఘా మార్గాలను, చివరికి కొన్ని విదేశాల ఉపగ్రహ సాయాన్ని కూడా తీసుకున్నారు. అయినా వారి ప్రయత్నాలేవీ ఫలించలేదు" అని వివరించారు.
ఈ ఆపరేషన్లో భాగంగా 2025 మే 10న జరిగిన ఒక అసాధారణ ఘటనను జితేంద్ర మిశ్రా గుర్తుచేసుకున్నారు. పాకిస్థాన్ భూభాగంలోకి సుమారు 314 కిలోమీటర్ల దూరంలో ఎగురుతున్న వారి నిఘా విమానాన్ని (AWACS) S-400 ద్వారా క్షిపణితో కూల్చివేసేందుకు తాను అనుమతి ఇచ్చానని తెలిపారు. భూమిపై నుంచి గగనతలంలోని లక్ష్యాన్ని ఇంత సుదూరం నుంచి ఛేదించడం సైనిక చరిత్రలో ఒక అరుదైన రికార్డుగా నిలిచింది. ఇది S-400 వ్యవస్థల అపారమైన సామర్థ్యానికి నిదర్శనమని ఆయన పేర్కొన్నారు.
భారత్, రష్యాల మధ్య 2018లో జరిగిన ఒప్పందం ప్రకారం మొత్తం ఐదు S-400 వ్యవస్థలను కొనుగోలు చేసింది. ఆపరేషన్ సిందూర్ నాటికి వీటిలో మూడు వ్యవస్థలు భారత అమ్ములపొదిలో చేరగా, నాలుగో వ్యవస్థ 2026 మధ్యలో అందింది. ఈ వాయు రక్షణ కవచం భారత గగనతల భద్రతను దుర్భేద్యంగా మార్చిందని మిశ్రా వ్యాఖ్యలు స్పష్టం చేస్తున్నాయి.
ఓ ఇంటర్వ్యూలో మాట్లాడుతూ, ఆపరేషన్ సిందూర్ సమయంలో S-400 వ్యవస్థలు పాకిస్థాన్కు అతిపెద్ద సవాల్గా నిలిచాయని మిశ్రా తెలిపారు. "పాకిస్థాన్ యుద్ధ విమానాలు గాల్లోకి లేచిన ప్రతిసారీ, వాటిని కూల్చివేసేందుకు మా S-400 సిద్ధంగా ఉండేది. దీంతో వారు తీవ్ర భయాందోళనకు గురయ్యారు. ఈ వ్యవస్థల స్థానాలను కనిపెట్టేందుకు గూఢచారులు, స్లీపర్ సెల్స్తో పాటు ఇతర నిఘా మార్గాలను, చివరికి కొన్ని విదేశాల ఉపగ్రహ సాయాన్ని కూడా తీసుకున్నారు. అయినా వారి ప్రయత్నాలేవీ ఫలించలేదు" అని వివరించారు.
ఈ ఆపరేషన్లో భాగంగా 2025 మే 10న జరిగిన ఒక అసాధారణ ఘటనను జితేంద్ర మిశ్రా గుర్తుచేసుకున్నారు. పాకిస్థాన్ భూభాగంలోకి సుమారు 314 కిలోమీటర్ల దూరంలో ఎగురుతున్న వారి నిఘా విమానాన్ని (AWACS) S-400 ద్వారా క్షిపణితో కూల్చివేసేందుకు తాను అనుమతి ఇచ్చానని తెలిపారు. భూమిపై నుంచి గగనతలంలోని లక్ష్యాన్ని ఇంత సుదూరం నుంచి ఛేదించడం సైనిక చరిత్రలో ఒక అరుదైన రికార్డుగా నిలిచింది. ఇది S-400 వ్యవస్థల అపారమైన సామర్థ్యానికి నిదర్శనమని ఆయన పేర్కొన్నారు.
భారత్, రష్యాల మధ్య 2018లో జరిగిన ఒప్పందం ప్రకారం మొత్తం ఐదు S-400 వ్యవస్థలను కొనుగోలు చేసింది. ఆపరేషన్ సిందూర్ నాటికి వీటిలో మూడు వ్యవస్థలు భారత అమ్ములపొదిలో చేరగా, నాలుగో వ్యవస్థ 2026 మధ్యలో అందింది. ఈ వాయు రక్షణ కవచం భారత గగనతల భద్రతను దుర్భేద్యంగా మార్చిందని మిశ్రా వ్యాఖ్యలు స్పష్టం చేస్తున్నాయి.
