9వ తరగతి పాసైన ట్యాక్సీ డ్రైవర్ ఇప్పుడు కంపెనీలో కీలక ఉద్యోగి.. ఓ వ్యక్తి సక్సెస్ స్టోరీ
- 9వ తరగతి పాసైన ట్యాక్సీ డ్రైవర్ను ఉద్యోగంలోకి తీసుకున్న హైదరాబాద్ స్టార్టప్
- పదేళ్లలోనే పాన్-ఇండియా ప్రొక్యూర్మెంట్ హెడ్గా ఎదిగిన వైనం
- లింక్డ్ఇన్లో అనుభవాన్ని పంచుకున్న కంపెనీ ఫౌండర్ శ్రవంత్ గాజుల
- డిగ్రీల కన్నా నైపుణ్యాలు, నేర్చుకోవాలన్న తపనే ముఖ్యమని వెల్లడి
- సోషల్ మీడియాలో స్ఫూర్తిదాయక కథనంగా వైరల్
నేటి పోటీ ప్రపంచంలో కేవలం విద్యార్హతలు, ఆంగ్ల భాషా నైపుణ్యం, కార్పొరేట్ అనుభవం ఉంటేనే ఉద్యోగాలకు అర్హులని భావిస్తుంటారు. అయితే, కేవలం నైపుణ్యం, అంకితభావం, నిజాయతీని నమ్మి అవకాశం కల్పిస్తే సామాన్యులు కూడా అసాధారణ విజయాలు సాధించగలరని హైదరాబాద్కు చెందిన ఒక స్టార్టప్ నిరూపించింది. పదేళ్ల క్రితం తొమ్మిదో తరగతి వరకు మాత్రమే చదువుకున్న ఒక ట్యాక్సీ డ్రైవర్ను తన సంస్థలో తొలి ఉద్యోగిగా చేర్చుకోగా, నేడు ఆయన అదే సంస్థలో పాన్-ఇండియా ప్రొక్యూర్మెంట్ విభాగానికి అధిపతిగా ఎదిగిన స్ఫూర్తిదాయక ప్రయాణం ఇప్పుడు అందరినీ ఆకట్టుకుంటోంది.
హైదరాబాద్ కేంద్రంగా పనిచేస్తున్న యాడ్-టెక్ సంస్థ 'యాడ్ఆన్మో' సహ వ్యవస్థాపకుడు శ్రవంత్ గాజుల ఈ విజయగాథను తన లింక్డ్ఇన్ ఖాతా ద్వారా పంచుకున్నారు. "పదేళ్ల క్రితం, తొమ్మిదో తరగతి వరకు మాత్రమే చదివి, ఆంగ్ల పరిజ్ఞానం గానీ, ఎలాంటి కార్పొరేట్ అనుభవం గానీ లేని ఒక ట్యాక్సీ డ్రైవర్ను మా కంపెనీలో తొలి ఉద్యోగిగా నియమించుకున్నాను. సాధారణంగా ఏ హెచ్ఆర్ మేనేజర్ కూడా పరిగణనలోకి తీసుకోని రెజ్యూమె అది" అని ఆయన పేర్కొన్నారు. కేవలం అతనిలో ఉన్న పని పట్ల తపన, నేర్చుకోవాలనే ఆసక్తి, నిజాయతీని గుర్తించి ఈ అవకాశం కల్పించినట్లు శ్రవంత్ వివరించారు.
ఉద్యోగంలో చేరిన అనంతరం ఆ వ్యక్తికి కంపెనీ తరపునే స్పోకెన్ ఇంగ్లీష్ శిక్షణ ఇప్పించడమే కాకుండా, చిన్నపాటి పనులకే పరిమితం చేయకుండా కీలక బాధ్యతలను అప్పగించారు. "అతను ఎదుగుతాడని మేము బలంగా విశ్వసించాం. ఆ నమ్మకాన్ని వమ్ము చేయకుండా అతను ఆకాశమే హద్దుగా రాణించాడు" అని శ్రవంత్ గర్వంగా వెల్లడించారు. ప్రారంభంలో తమ కంపెనీకి చెందిన సాంకేతిక నమూనాను పరీక్షించేందుకు శ్రవంత్ సేవలను ఉపయోగించుకున్నారు. కొన్ని వారాల పాటు అతని పనితీరును, సహకారాన్ని గమనించిన తర్వాతే అతనికి ఉద్యోగ అవకాశం కల్పించారు.
ప్రస్తుతం ఆ ఉద్యోగి సంస్థలో అత్యంత విశ్వసనీయమైన నాయకుడిగా ఎదుగుతూ, దేశవ్యాప్తంగా ప్రొక్యూర్మెంట్ విభాగం బాధ్యతలను సమర్థవంతంగా నిర్వహిస్తున్నారు. ఈ పోస్ట్ సోషల్ మీడియాలో వైరల్గా మారడంతో, డిగ్రీల కన్నా నైపుణ్యాల ఆధారిత నియామకాల ప్రాముఖ్యతపై నెటిజన్ల మధ్య ఆసక్తికర చర్చ జరుగుతోంది. సరైన ప్రోత్సాహం, శిక్షణ లభిస్తే ఎవరైనా ఉన్నత శిఖరాలను అధిరోహించగలరని ఈ ఉదంతం మరోసారి నిరూపించింది.
హైదరాబాద్ కేంద్రంగా పనిచేస్తున్న యాడ్-టెక్ సంస్థ 'యాడ్ఆన్మో' సహ వ్యవస్థాపకుడు శ్రవంత్ గాజుల ఈ విజయగాథను తన లింక్డ్ఇన్ ఖాతా ద్వారా పంచుకున్నారు. "పదేళ్ల క్రితం, తొమ్మిదో తరగతి వరకు మాత్రమే చదివి, ఆంగ్ల పరిజ్ఞానం గానీ, ఎలాంటి కార్పొరేట్ అనుభవం గానీ లేని ఒక ట్యాక్సీ డ్రైవర్ను మా కంపెనీలో తొలి ఉద్యోగిగా నియమించుకున్నాను. సాధారణంగా ఏ హెచ్ఆర్ మేనేజర్ కూడా పరిగణనలోకి తీసుకోని రెజ్యూమె అది" అని ఆయన పేర్కొన్నారు. కేవలం అతనిలో ఉన్న పని పట్ల తపన, నేర్చుకోవాలనే ఆసక్తి, నిజాయతీని గుర్తించి ఈ అవకాశం కల్పించినట్లు శ్రవంత్ వివరించారు.
ఉద్యోగంలో చేరిన అనంతరం ఆ వ్యక్తికి కంపెనీ తరపునే స్పోకెన్ ఇంగ్లీష్ శిక్షణ ఇప్పించడమే కాకుండా, చిన్నపాటి పనులకే పరిమితం చేయకుండా కీలక బాధ్యతలను అప్పగించారు. "అతను ఎదుగుతాడని మేము బలంగా విశ్వసించాం. ఆ నమ్మకాన్ని వమ్ము చేయకుండా అతను ఆకాశమే హద్దుగా రాణించాడు" అని శ్రవంత్ గర్వంగా వెల్లడించారు. ప్రారంభంలో తమ కంపెనీకి చెందిన సాంకేతిక నమూనాను పరీక్షించేందుకు శ్రవంత్ సేవలను ఉపయోగించుకున్నారు. కొన్ని వారాల పాటు అతని పనితీరును, సహకారాన్ని గమనించిన తర్వాతే అతనికి ఉద్యోగ అవకాశం కల్పించారు.
ప్రస్తుతం ఆ ఉద్యోగి సంస్థలో అత్యంత విశ్వసనీయమైన నాయకుడిగా ఎదుగుతూ, దేశవ్యాప్తంగా ప్రొక్యూర్మెంట్ విభాగం బాధ్యతలను సమర్థవంతంగా నిర్వహిస్తున్నారు. ఈ పోస్ట్ సోషల్ మీడియాలో వైరల్గా మారడంతో, డిగ్రీల కన్నా నైపుణ్యాల ఆధారిత నియామకాల ప్రాముఖ్యతపై నెటిజన్ల మధ్య ఆసక్తికర చర్చ జరుగుతోంది. సరైన ప్రోత్సాహం, శిక్షణ లభిస్తే ఎవరైనా ఉన్నత శిఖరాలను అధిరోహించగలరని ఈ ఉదంతం మరోసారి నిరూపించింది.
