ఇన్‌స్టాగ్రామ్‌ ఎంట్రీ ఇస్తున్న నందమూరి హీరో.. రేపు తొలి పోస్టు!

నందమూరి హీరో కల్యాణ్ రామ్ సోషల్ మీడియాలోకి అడుగుపెట్టనున్నారు. ఇప్పటివరకు ఇన్‌స్టాగ్రామ్‌కు దూరంగా ఉన్న ఆయన, తన పుట్టినరోజు సందర్భంగా జులై 5న అధికారికంగా ఈ ప్లాట్‌ఫామ్‌లో చేరనున్నారు. ఈ విషయాన్ని ఆయన బృందం అధికారికంగా ప్రకటించింది. రేపు (ఆదివారం) ఉదయం 10:11 గంటలకు ఒక ప్రత్యేక పోస్ట్‌తో ఆయన ఇన్‌స్టా ప్రయాణం మొదలవుతుంది.

అభిమానులతో మరింత దగ్గరగా మమేకమయ్యేందుకు, తన వ్యక్తిగత, వృత్తిపరమైన విషయాలను పంచుకునేందుకు కల్యాణ్ రామ్ ఈ నిర్ణయం తీసుకున్నట్లు తెలుస్తోంది. సినిమా అప్‌డేట్స్, షూటింగ్ విశేషాలు, తెర వెనుక సంగతులను ఇకపై తన ఇన్‌స్టా ఖాతా ద్వారా పంచుకోనున్నారు. ఈ వార్తతో నందమూరి అభిమానులు సోషల్ మీడియాలో సందడి చేస్తున్నారు. తమ అభిమాన హీరోకు ఇన్‌స్టాగ్రామ్‌లోకి ఘన స్వాగతం పలికేందుకు సిద్ధమవుతున్నారు.

ప్రస్తుతం కల్యాణ్ రామ్ కెరీర్ పరంగా ఫుల్ బిజీగా ఉన్నారు. విక్టరీ వెంకటేశ్ తో కలిసి ఓ భారీ మల్టీస్టారర్ చిత్రంలో నటిస్తున్నారు. స్టార్ డైరెక్టర్ అనిల్ రావిపూడి దర్శకత్వం వహిస్తున్న ఈ సినిమాలో కీర్తి సురేశ్, కృతి శెట్టి హీరోయిన్లుగా నటిస్తున్నారు. షైన్ స్క్రీన్స్, సురేశ్ ప్రొడక్షన్స్ సంయుక్తంగా నిర్మిస్తున్న ఈ చిత్రాన్ని 2027 సంక్రాంతికి విడుదల చేసేందుకు సన్నాహాలు చేస్తున్నారు.