అమెజాన్ లో సేల్స్ జాతర.. ప్రైమ్ డే అమ్మకాలు ఎప్పటి నుంచి అంటే...!
- అమెజాన్ ప్రైమ్ డే 2026 సేల్ తేదీలు ఖరారు
- జులై 4 నుంచి 6 వరకు మూడు రోజుల పాటు ఆఫర్లు
- స్మార్ట్ఫోన్లు, ఎలక్ట్రానిక్స్పై భారీ డిస్కౌంట్లు
- ప్రైమ్ 10వ వార్షికోత్సవం సందర్భంగా ప్రత్యేక సేల్
- SBI, యాక్సిస్ బ్యాంక్ కార్డులపై 10 శాతం తక్షణ డిస్కౌంట్
ఈ సేల్లో భాగంగా పలు స్మార్ట్ఫోన్లపై అమెజాన్ ఆకర్షణీయమైన ఆఫర్లను ప్రకటించింది. బ్యాంక్ ఆఫర్లతో కలిపి శాంసంగ్ గెలాక్సీ S25 అల్ట్రా సుమారు రూ. 84,999 ప్రారంభ ధరతో అందుబాటులో ఉండనుంది. కొత్తగా విడుదలైన శాంసంగ్ గెలాక్సీ M47 5G ఫోన్ను రూ. 22,999కి, వన్ప్లస్ 13ను రూ. 49,999కి విక్రయించనున్నారు. రెడ్మీ, ఐకూ, రియల్మీ వంటి ఇతర ప్రముఖ బ్రాండ్ల ఫోన్లు కూడా ఆకర్షణీయమైన ధరలకే లభించనున్నాయి. ఇక ల్యాప్టాప్ల విభాగంలో హెచ్పీ ఓమ్నీబుక్ సుమారు రూ. 68,990 ధరలో ఉండగా, డెల్ మోడళ్లు రూ. 60,990 ప్రారంభ ధరతో అందుబాటులో ఉంటాయి.
వీటితో పాటు శాంసంగ్, టీసీఎల్, ఎల్జీ, సోనీ వంటి అగ్రశ్రేణి బ్రాండ్ల స్మార్ట్ టీవీలపై గరిష్ఠంగా 75 శాతం వరకు తగ్గింపును ప్రకటించారు. ఎంపిక చేసిన లావాదేవీలపై ఎస్బీఐ (SBI), యాక్సిస్ బ్యాంక్ క్రెడిట్ కార్డు హోల్డర్లకు 10 శాతం తక్షణ డిస్కౌంట్ లభిస్తుంది. అమెజాన్ పే ఐసీఐసీఐ బ్యాంక్ కార్డు వినియోగదారులకు 5 శాతం క్యాష్బ్యాక్ అందిస్తున్నారు. వీటితో పాటు అనేక ఉత్పత్తులపై నో-కాస్ట్ ఈఎంఐ (No-cost EMI) సదుపాయం కూడా అందుబాటులో ఉంది.
పదో వార్షికోత్సవాన్ని పురస్కరించుకుని పరిమిత కాలానికి ప్రైమ్ సభ్యత్వ రుసుములను కూడా అమెజాన్ తగ్గించింది. వార్షిక సభ్యత్వ ధరను రూ. 1,499 నుంచి రూ. 999కి తగ్గించగా, ప్రైమ్ లైట్ను రూ. 599కి, ప్రైమ్ షాపింగ్ ఎడిషన్ను రూ. 299కే అందిస్తున్నారు. ఈ మెగా సేల్లో భాగంగా వివిధ విభాగాల్లో 500కు పైగా కొత్త ఉత్పత్తులు విడుదల కానున్నాయి.