భూమే లేకుండా కోట్లు పండించారు... సంపన్నుల బండారం బట్టబయలు!
- భూమి లేకుండానే వ్యవసాయ ఆదాయంపై పన్ను మినహాయింపులు
- డేటా అనాలిసిస్ ద్వారా 310 మంది 'ధనిక రైతుల' గుర్తింపు
- రూ. 2,038 కోట్ల పన్ను ఎగవేత జరిగినట్లు అంచనా
- తప్పుడు క్లెయిమ్లు చేసిన వారికి నోటీసులు జారీ చేసిన సీబీడీటీ
- శాటిలైట్ మ్యాపుల ద్వారా మోసాలను గుర్తించిన అధికారులు
మన దేశంలో కొందరు 'రైతులు' అసలు భూమితో పని లేకుండానే కోట్లకు కోట్లు పండిస్తున్నారు! విషయం హాస్యంగా అనిపించినా, ఇది కేంద్ర ప్రత్యక్ష పన్నుల బోర్డు (సీబీడీటీ) గుర్తించిన వేల కోట్ల రూపాయల పన్ను ఎగవేతకు సంబంధించిన తీవ్రమైన అంశం. భూమే లేకుండా వ్యవసాయ ఆదాయంపై పన్ను మినహాయింపులు పొందుతున్న పలువురు ధనవంతులను సీబీడీటీ గుర్తించింది.
సీబీడీటీకి చెందిన డేటా అనాలిసిస్ విభాగం... 'సాక్షం' ప్రాజెక్ట్ కింద ఈ దర్యాప్తు చేపట్టింది. 2020-21 నుంచి 2022-23 ఆర్థిక సంవత్సరాల మధ్య ఫైల్ చేసిన రిటర్నులను విశ్లేషించగా, కేవలం 310 కేసుల్లో భారీ మోసం వెలుగు చూసింది. ఈ కేసుల్లో వ్యక్తులు రూ.50 లక్షల నుంచి రూ.400 కోట్ల వరకు వ్యవసాయ ఆదాయం చూపించి పన్ను మినహాయింపు పొందారు. దీనివల్ల ప్రభుత్వ ఖజానాకు దాదాపు రూ.2,038 కోట్ల నష్టం వాటిల్లినట్లు అధికారులు అంచనా వేశారు.
ఈ 'భూమిలేని ధనిక రైతులు' పన్ను ఎగవేతకు అనేక మార్గాలను అనుసరించినట్లు సీబీడీటీ గుర్తించింది. కొందరు తమ అక్రమ ఆదాయాన్ని (నల్లధనాన్ని) వ్యవసాయ ఆదాయంగా చూపించి తెల్లధనంగా మార్చుకున్నారు. మరికొందరు డెవలపర్లకు భూమిని అమ్మగా వచ్చిన లాభాలను వ్యవసాయ ఆదాయంగా చూపించారు. చాలా తక్కువ భూమి ఉన్నప్పటికీ, అసాధ్యమైన స్థాయిలో ఆదాయం వచ్చినట్లు లెక్కలు చూపించారు.
ఈ మోసాలను నిరూపించేందుకు అధికారులు శాటిలైట్ మ్యాపులను కూడా ఉపయోగించారు. ప్రస్తుతం ఈ 310 మంది పన్ను చెల్లింపుదారులకు నోటీసులు జారీ చేసి, తమ రిటర్నులను సవరించుకుని సరైన పన్ను చెల్లించాలని సీబీడీటీ ఆదేశిస్తోంది. భవిష్యత్తులో శాటిలైట్ చిత్రాల ద్వారా పొలాల్లో పండుతున్న పంటలను కూడా పర్యవేక్షించి, క్లెయిమ్ల వాస్తవికతను నిర్ధారించుకోనున్నట్లు అధికారులు తెలిపారు.
అయితే, ఈ చర్యలు నిజమైన చిన్న, సన్నకారు రైతులను ఉద్దేశించినవి కాదని, కేవలం భారీ మొత్తంలో తప్పుడు క్లెయిమ్లు చేసి పన్నులు ఎగ్గొడుతున్న 'పెద్ద చేపలనే' లక్ష్యంగా చేసుకున్నామని అధికారులు వివరించారు.
సీబీడీటీకి చెందిన డేటా అనాలిసిస్ విభాగం... 'సాక్షం' ప్రాజెక్ట్ కింద ఈ దర్యాప్తు చేపట్టింది. 2020-21 నుంచి 2022-23 ఆర్థిక సంవత్సరాల మధ్య ఫైల్ చేసిన రిటర్నులను విశ్లేషించగా, కేవలం 310 కేసుల్లో భారీ మోసం వెలుగు చూసింది. ఈ కేసుల్లో వ్యక్తులు రూ.50 లక్షల నుంచి రూ.400 కోట్ల వరకు వ్యవసాయ ఆదాయం చూపించి పన్ను మినహాయింపు పొందారు. దీనివల్ల ప్రభుత్వ ఖజానాకు దాదాపు రూ.2,038 కోట్ల నష్టం వాటిల్లినట్లు అధికారులు అంచనా వేశారు.
ఈ 'భూమిలేని ధనిక రైతులు' పన్ను ఎగవేతకు అనేక మార్గాలను అనుసరించినట్లు సీబీడీటీ గుర్తించింది. కొందరు తమ అక్రమ ఆదాయాన్ని (నల్లధనాన్ని) వ్యవసాయ ఆదాయంగా చూపించి తెల్లధనంగా మార్చుకున్నారు. మరికొందరు డెవలపర్లకు భూమిని అమ్మగా వచ్చిన లాభాలను వ్యవసాయ ఆదాయంగా చూపించారు. చాలా తక్కువ భూమి ఉన్నప్పటికీ, అసాధ్యమైన స్థాయిలో ఆదాయం వచ్చినట్లు లెక్కలు చూపించారు.
ఈ మోసాలను నిరూపించేందుకు అధికారులు శాటిలైట్ మ్యాపులను కూడా ఉపయోగించారు. ప్రస్తుతం ఈ 310 మంది పన్ను చెల్లింపుదారులకు నోటీసులు జారీ చేసి, తమ రిటర్నులను సవరించుకుని సరైన పన్ను చెల్లించాలని సీబీడీటీ ఆదేశిస్తోంది. భవిష్యత్తులో శాటిలైట్ చిత్రాల ద్వారా పొలాల్లో పండుతున్న పంటలను కూడా పర్యవేక్షించి, క్లెయిమ్ల వాస్తవికతను నిర్ధారించుకోనున్నట్లు అధికారులు తెలిపారు.
అయితే, ఈ చర్యలు నిజమైన చిన్న, సన్నకారు రైతులను ఉద్దేశించినవి కాదని, కేవలం భారీ మొత్తంలో తప్పుడు క్లెయిమ్లు చేసి పన్నులు ఎగ్గొడుతున్న 'పెద్ద చేపలనే' లక్ష్యంగా చేసుకున్నామని అధికారులు వివరించారు.
