72 రోజుల వ్యాలిడిటీతో బీఎస్ఎన్ఎల్ కొత్త ప్లాన్... మిగతా బెనిఫిట్స్ ఇవిగో!

ప్రైవేట్ టెలికాం సంస్థలైన రిలయన్స్ జియో, ఎయిర్‌టెల్, వొడాఫోన్-ఐడియాలకు గట్టి పోటీ ఇచ్చేందుకు ప్రభుత్వ రంగ సంస్థ భారత్ సంచార్ నిగమ్ లిమిటెడ్ (బీఎస్ఎన్ఎల్) సిద్దమైంది. ఈ క్రమంలో తన కస్టమర్ల కోసం ఆకర్షణీయమైన ప్లాన్లను బీఎస్ఎన్ఎల్ అందిస్తోంది. రూ. 500 లోపు ధరలో ఎక్కువ వ్యాలిడిటీ కోరుకునే వారిని లక్ష్యంగా చేసుకుని రూ.485 ప్రీపెయిడ్ ప్లాన్‌ను అందుబాటులో ఉంచింది. 

ఈ ప్లాన్‌తో రీఛార్జ్ చేసుకున్న వినియోగదారులకు 72 రోజుల వ్యాలిడిటీ లభిస్తుంది. ఈ కాలంలో అపరిమిత లోకల్, ఎస్టీడీ వాయిస్ కాల్స్‌తో పాటు రోజుకు 100 ఎస్ఎంఎస్‌లు కూడా పొందవచ్చు. డేటా విషయానికొస్తే, ఈ ప్లాన్ కింద రోజుకు 2.5జీబీ డేటాను వినియోగించుకోవచ్చు. అయితే ఈ ఆఫర్ వ్యాలిడిటీ ఉన్నంత వరకు అపరిమిత కాల్స్ పొందవచ్చు. ఈ ఆఫర్ ఈ నెల 31వ తేదీ వరకు మాత్రమే అందుబాటులో ఉంటుందని సంస్థ తెలిపింది.