మహిళకు లిఫ్ట్ ఇచ్చి.. కదులుతున్న కారులో సామూహిక అత్యాచారం
- ఉత్తరాఖండ్లో ఘోరం.. కారులో లిఫ్ట్ ఇచ్చి మహిళపై సామూహిక అత్యాచారం!
- 24 గంటల్లోనే నిందితులను అరెస్ట్ చేసిన పోలీసులు
- ఇద్దరు నిందితులను వేటాడి పట్టుకున్న వైనం
- నేరానికి ఉపయోగించిన కారు స్వాధీనం
బాధిత మహిళ తన గమ్యస్థానానికి వెళ్లేందుకు వాహనం కోసం వేచి చూస్తుండగా నిందితులు తమ కారులో లిఫ్ట్ ఇస్తామని నమ్మబలికారు. ఆమె కారు ఎక్కగానే తమ అసలు స్వరూపాన్ని బయటపెట్టారు. నిర్మానుష్య ప్రాంతాల గుండా కారును నడుపుతూ, కదిలే వాహనంలోనే ఆమెపై విచక్షణారహితంగా సామూహిక అత్యాచారానికి పాల్పడ్డారు. అనంతరం ఆమెను రోడ్డుపై వదిలేసి పరారయ్యారు.
బాధిత మహిళ ధైర్యంగా పోలీసులను ఆశ్రయించడంతో రంగంలోకి దిగిన ప్రత్యేక బృందాలు గాలింపు చర్యలు చేపట్టాయి. సాంకేతిక ఆధారాలు, సీసీటీవీ ఫుటేజీల సాయంతో కేవలం 24 గంటల వ్యవధిలోనే ఇద్దరు నిందితులను అరెస్ట్ చేశారు. నేరానికి ఉపయోగించిన ఆరా కారును కూడా పోలీసులు స్వాధీనం చేసుకున్నారు. ప్రస్తుతం బాధితురాలు ఆసుపత్రిలో చికిత్స పొందుతుండగా, నిందితులపై కఠిన సెక్షన్ల కింద కేసులు నమోదు చేసి విచారణ జరుపుతున్నారు.
