వెనెజువెలా అధ్యక్షుడికి పుట్టపర్తితో బలమైన బంధం.. సత్యసాయికి పరమభక్తుడు మదురో
- వెనెజువెలా అధ్యక్షుడు నికోలస్ మదురో, ఆయన భార్య సత్యసాయి బాబా భక్తులు
- 2005లో పుట్టపర్తిలోని ప్రశాంతి నిలయాన్ని సందర్శించిన మదురో దంపతులు
- తన కార్యాలయంలో సాయిబాబా చిత్రపటాన్ని ఉంచుకునేవారు మదురో
- సాయిబాబా మరణించినప్పుడు వెనెజువెలాలో జాతీయ సంతాప దినం ప్రకటించిన వైనం
ఇటీవలే అమెరికా దళాలకు పట్టుబడిన వెనెజువెలా అధ్యక్షుడు నికోలస్ మదురోకు ఏపీతో ఒక బలమైన ఆధ్యాత్మిక అనుబంధం ఉంది. ప్రపంచవ్యాప్తంగా నియంతగా ముద్రపడిన మదురో, పుట్టపర్తి సత్యసాయి బాబాకు వీరాభిమాని కావడం చాలామందికి తెలియని విషయం.
క్యాథలిక్గా పెరిగినప్పటికీ, మదురోకు తన భార్య సిలియా ఫ్లోర్స్ ద్వారా భారతీయ ఆధ్యాత్మిక గురువు సత్యసాయి బాబా పరిచయమయ్యారు. వారిద్దరూ సాయిబాబా అనుచరులుగా మారి, 2005లో పుట్టపర్తిలోని ప్రశాంతి నిలయాన్ని సందర్శించి, సత్యసాయి బాబాతో ప్రత్యేకంగా సమావేశమయ్యారు. ఆ సమయంలో బాబాతో పాటు వారు నేలపై కూర్చున్న ఫొటో కూడా ఉంది.
మదురో అధికారంలోకి వచ్చాక కూడా ఈ ప్రభావం కొనసాగింది. ఆయన తన కార్యాలయంలో సాయిబాబా చిత్రపటాన్ని ప్రముఖంగా ఉంచుకునేవారని కథనాలున్నాయి. 2011లో సాయిబాబా మరణించినప్పుడు, అప్పటి విదేశాంగ మంత్రిగా ఉన్న మదురో చొరవతో వెనెజువెలా జాతీయ అసెంబ్లీ సంతాప తీర్మానం చేసింది. దేశంలో ఒకరోజు జాతీయ సంతాప దినంగా ప్రకటించి, బాబా ఆధ్యాత్మిక సేవలను గుర్తించింది.
మదురో పాలనలో చాలా విదేశీ సంస్థలు వెనిజులాను విడిచి వెళ్లినా, సత్యసాయి సంస్థ కార్యకలాపాలు మాత్రం నిరాటంకంగా కొనసాగాయి. 2025 నవంబర్లో పట్టుబడటానికి కేవలం కొన్ని నెలల ముందు కూడా సాయిబాబా శతజయంతి సందర్భంగా ఆయనను స్మరించుకున్నారు. బాబాను 'జ్యోతిర్మయ స్వరూపుడు' అని అభివర్ణించారు. "మేము కలిసినప్పుడు నేను ఆయనను ఎప్పుడూ గుర్తుంచుకుంటాను... ఆ గొప్ప గురువు జ్ఞానం మనల్ని నిరంతరం ప్రకాశవంతం చేయాలి" అని ఆయన పేర్కొన్నారు. రాజకీయంగా ఎన్ని ఒడిదొడుకులు ఎదుర్కొన్నప్పటికీ, పుట్టపర్తితో, సాయిబాబాతో మదురోకున్న ఆధ్యాత్మిక బంధం చివరి వరకూ కొనసాగడం గమనార్హం.
క్యాథలిక్గా పెరిగినప్పటికీ, మదురోకు తన భార్య సిలియా ఫ్లోర్స్ ద్వారా భారతీయ ఆధ్యాత్మిక గురువు సత్యసాయి బాబా పరిచయమయ్యారు. వారిద్దరూ సాయిబాబా అనుచరులుగా మారి, 2005లో పుట్టపర్తిలోని ప్రశాంతి నిలయాన్ని సందర్శించి, సత్యసాయి బాబాతో ప్రత్యేకంగా సమావేశమయ్యారు. ఆ సమయంలో బాబాతో పాటు వారు నేలపై కూర్చున్న ఫొటో కూడా ఉంది.
మదురో అధికారంలోకి వచ్చాక కూడా ఈ ప్రభావం కొనసాగింది. ఆయన తన కార్యాలయంలో సాయిబాబా చిత్రపటాన్ని ప్రముఖంగా ఉంచుకునేవారని కథనాలున్నాయి. 2011లో సాయిబాబా మరణించినప్పుడు, అప్పటి విదేశాంగ మంత్రిగా ఉన్న మదురో చొరవతో వెనెజువెలా జాతీయ అసెంబ్లీ సంతాప తీర్మానం చేసింది. దేశంలో ఒకరోజు జాతీయ సంతాప దినంగా ప్రకటించి, బాబా ఆధ్యాత్మిక సేవలను గుర్తించింది.
మదురో పాలనలో చాలా విదేశీ సంస్థలు వెనిజులాను విడిచి వెళ్లినా, సత్యసాయి సంస్థ కార్యకలాపాలు మాత్రం నిరాటంకంగా కొనసాగాయి. 2025 నవంబర్లో పట్టుబడటానికి కేవలం కొన్ని నెలల ముందు కూడా సాయిబాబా శతజయంతి సందర్భంగా ఆయనను స్మరించుకున్నారు. బాబాను 'జ్యోతిర్మయ స్వరూపుడు' అని అభివర్ణించారు. "మేము కలిసినప్పుడు నేను ఆయనను ఎప్పుడూ గుర్తుంచుకుంటాను... ఆ గొప్ప గురువు జ్ఞానం మనల్ని నిరంతరం ప్రకాశవంతం చేయాలి" అని ఆయన పేర్కొన్నారు. రాజకీయంగా ఎన్ని ఒడిదొడుకులు ఎదుర్కొన్నప్పటికీ, పుట్టపర్తితో, సాయిబాబాతో మదురోకున్న ఆధ్యాత్మిక బంధం చివరి వరకూ కొనసాగడం గమనార్హం.