Andhra Pradesh: రోడ్డు ప్ర‌మాదంలో డిప్యూటీ క‌లెక్ట‌ర్ మృతి
- అన్న‌మ‌య్య జిల్లా సంబేప‌ల్లి మండ‌లం య‌ర్ర‌గుంట్ల వ‌ద్ద దుర్ఘ‌ట‌న
- ఎదురెదురుగా వ‌చ్చి ఢీకొన్న రెండు కార్లు
- హెచ్ఎన్ఎస్ పీలేరు యూనిట్‌-2 స్పెష‌ల్ డిప్యూటీ క‌లెక్ట‌ర్ ర‌మ మృతి
ఏపీలోని అన్న‌మ‌య్య జిల్లాలో ఘోర ప్ర‌మాదం జ‌రిగింది. సంబేప‌ల్లి మండ‌లం య‌ర్ర‌గుంట్ల వ‌ద్ద రెండు కార్లు ఎదురెదురుగా ఢీకొన్నాయి. ఈ ప్ర‌మాదంలో హెచ్ఎన్ఎస్ పీలేరు యూనిట్‌-2 స్పెష‌ల్ డిప్యూటీ క‌లెక్ట‌ర్ ర‌మ అక్క‌డిక‌క్క‌డే మృతిచెందారు. మ‌రో న‌లుగురు తీవ్రంగా గాయ‌ప‌డ్డారు. గాయ‌ప‌డిన వారిని ఆసుప‌త్రికి త‌ర‌లించి చికిత్స అందిస్తున్నారు. స్పెష‌ల్ డిప్యూటీ క‌లెక్ట‌ర్ ర‌మ మృతదేహాన్ని పోస్టుమార్టం కోసం ఆసుప‌త్రికి త‌ర‌లించారు. రాయ‌చోటి క‌లెక్ట‌రేట్‌లో గ్రీవెన్స్‌కు వెళ్లి వ‌స్తుండ‌గా ఈ దుర్ఘ‌ట‌న జ‌రిగింది. క్ష‌తగాత్రుల‌ను క‌లెక్ట‌ర్ శ్రీధ‌ర్ ప‌రామ‌ర్శించారు. ఈ ఘ‌ట‌న‌పై పోలీసులు కేసు న‌మోదు చేసి ద‌ర్యాప్తు చేస్తున్నారు.
