భారతీయుల కోసం టూరిస్ట్ ఈ-వీసా ప్రవేశపెట్టిన జపాన్
- పాస్పోర్టుపై వీసా స్టిక్కర్లు లేకుండానే జారీ
- గరిష్ఠంగా 90 రోజులు జపాన్లో నివసించే అవకాశం
- భారతీయ పర్యాటకులను ఆకర్షించడమే లక్ష్యంగా కొత్త వీసా ప్రోగ్రామ్ను ప్రవేశపెట్టిన జపాన్
దరఖాస్తు చేసుకునే విధానం ఇదే..
1. జపాన్ వీసా అధికారిక వెబ్సైట్ https://visa.vfsglobal.com/ind/en/jpn/. ను సందర్శించాలి.
2. అప్లికేషన్ ఫామ్ను డౌన్లోడ్ చేసుకొని వివరాలు పొందుపరచాలి. ఫొటోలతో సహా అవసరమైన ధ్రువీకరణ పత్రాలు సిద్ధం చేసుకోవాలి.
3. అప్లికేషన్ను సమర్పించడానికి అపాయింట్మెంట్ తేదీని బుక్ చేసుకోవాలి. దీంతో అపాయింట్మెంట్ లెటర్తో కూడిన ఈ-మెయిల్ వస్తుంది.
4. దరఖాస్తును అందజేసి.. నిర్ణయం కోసం వేచిచూడాల్సి ఉంటుంది. వీసా అప్లికేషన్ స్టేటస్ని ఆన్లైన్లో ట్రాక్ చేసుకోవచ్చు.
5. విజయవంతంగా ఎంపికైన దరఖాస్తుదారులకు ఎలక్ట్రానిక్ వీసా జారీ అవుతుంది.
6. ప్రయాణ సమయంలో ఎయిర్పోర్టుల వద్ద చెక్-ఇన్ సమయంలో తమ డివైజ్లలోని వీసా చూపించాల్సి ఉంటుంది. ఈ-వీసాపై ఉన్న డిస్ప్లే ఆప్షన్ మీద క్లిక్ చేస్తే సరిపోతుంది.
