Rapaka Vara Prasad: అమలాపురం పార్లమెంటు స్థానంకు రాపాక వరప్రసాద్.. రాజోలు బరిలో గొల్లపల్లి సూర్యారావు.. వైసీపీ తాజా జాబితా!  

ఏపీ అధికార పక్షం వైసీపీ విడతల వారీగా తన అభ్యర్థులను ప్రకటిస్తోంది. ఇవాళ ముగ్గురి పేర్లతో మరో జాబితా విడుదల చేసింది. ఈ జాబితాలో రెండు ఎంపీ స్థానాలకు, ఒక ఎమ్మెల్యే స్థానానికి ఇన్చార్జిలను ప్రకటించారు. అమలాపురం పార్లమెంటు స్థానం వైసీపీ ఇన్చార్జిగా రాపాక వరప్రసాద్ ను ప్రకటించారు. రాపాక వరప్రసాద్ గత ఎన్నికల్లో రాజోలు అసెంబ్లీ నియోజకవర్గం నుంచి జనసేన ఎమ్మెల్యేగా గెలిచారు. ఆ తర్వాత ఆయన వైసీపీకి దగ్గరయ్యారు. ఈసారి ఎన్నికల్లో రాపాక లోక్ సభకు పోటీ చేస్తున్నందున, రాజోలు అసెంబ్లీ నియోజకవర్గం వైసీపీ ఇన్చార్జిగా గొల్లపల్లి సూర్యారావును ఎంపిక చేశారు. ఇక, కర్నూలు పార్లమెంటు స్థానం ఇన్చార్జిగా బీవై రామయ్య పేరును జాబితాలో పేర్కొన్నారు.