Narendra Modi: మోదీ పర్యటనలో సెక్యూరిటీ వైఫల్యం.. ప్రధాని దగ్గరకు వెళ్లిన వ్యక్తి.. వీడియో ఇదిగో

ప్రధాని మోదీ కర్ణాటకలో పర్యటిస్తున్నారు. ఈ సందర్భంగా భద్రతా వైఫల్యం చోటుచేసుకుంది. హుబ్బళీలో మోదీ రోడ్ షో నిర్వహిస్తుండగా రోడ్డు పక్కనున్న బ్యారికేడ్లను దూకిన ఒక వ్యక్తి మోదీ కాన్వాయ్ వద్దకు పరిగెత్తాడు. మోదీకి పూలదండ వేయడానికి ప్రయత్నించాడు. ప్రధానికి దాదాపు ఒక అడుగు దూరం వరకు వెళ్లిపోయాడు. ఆ సమయంలో మోదీ తన వాహనం ఫుట్ బోర్డుపై ఉండి ప్రజలకు అభివాదం చేస్తున్నారు. ఈ హఠాత్తు ఘటనతో ప్రధాని సెక్యూరిటీ సిబ్బంది ఉలిక్కి పడ్డారు. అయితే అతని వద్ద నుంచి మోదీ పూలదండను తీసుకుని కారు బ్యానెట్ పై ఉంచారు. మరోవైపు అతడిని భద్రతా సిబ్బంది పక్కకు తీసుకెళ్లారు.