Lavanya: సినిమా కబుర్లు.. సంక్షిప్త సమాచారం

*  కథానాయిక లావణ్య త్రిపాఠికి తాజాగా ఓ భారీ ఎండార్స్ మెంట్ డీల్ వచ్చింది. 'గోల్డ్ విన్నర్' ఆయిల్ సంస్థకు దక్షిణాది మొత్తానికి బ్రాండ్ అంబాసడర్ గా లావణ్య ఎంపికైంది. ప్రస్తుతం ఇందుకు సంబంధించిన కమర్షియల్ ను చెన్నైలో చిత్రీకరిస్తున్నారు.
*  మలయాళంలో వచ్చిన 'అయ్యప్పనుమ్ కోషియమ్' చిత్రాన్ని పవన్ కల్యాణ్, రానా హీరోలుగా తెలుగులో రీమేక్ చేస్తున్న సంగతి తెలిసిందే. ఈ నెల 12 నుంచి ఈ చిత్రం తాజా షెడ్యూలును నిర్వహించడానికి ఏర్పాట్లు చేస్తున్నారు. ముందుగా పవన్ కల్యాణ్ పాల్గొనే యాక్షన్ ఎపిసోడ్ ను చిత్రీకరిస్తారట. సినిమాలో ఇది పవన్ ఇంట్రడక్షన్ సీన్ అని తెలుస్తోంది.
*  మెగా హీరో వరుణ్ తేజ్ త్వరలో బాలీవుడ్ ప్రవేశం చేయనున్నట్టుగా పెద్దఎత్తున ప్రచారం జరుగుతోంది. వరుణ్ తేజ్ హీరోగా ప్రముఖ చిత్ర నిర్మాణ సంస్థ సోనీ పిక్చర్స్ హిందీలో ఓ చిత్రాన్ని నిర్మించడానికి సన్నాహాలు చేస్తోందని, ప్రస్తుతం వరుణ్ తో సంప్రదింపులు జరుగుతున్నాయనీ తెలుస్తోంది.