నాని 'ప్యారడైజ్' ప్రీ రిలీజ్ ఈవెంట్.. స్టేజిపై డ్యాన్స్ ఇరగదీసిన రాఘవ్ జుయల్... వీడియో ఇదిగో!

నేచురల్ స్టార్ నాని హీరోగా నటిస్తున్న తాజా చిత్రం 'ది ప్యారడైజ్'. హైదరాబాద్ లో సోమవారం జరిగిన ఈ సినిమా ప్రీరిలీజ్ వేడుకలో ప్రముఖ నటుడు రాఘవ్ జుయల్ చేసిన డ్యాన్స్ పెర్ఫార్మెన్స్ ప్రత్యేక ఆకర్షణగా నిలిచింది. ఈ చిత్రంలోని 'ఏష నాగుల' అనే పాటకు రాఘవ్ తనదైన శైలిలో అదిరిపోయే స్టెప్పులతో అందరినీ ఉర్రూతలూగించారు.

ఈ చిత్రంలో రాఘవ్ జుయల్ ఒక ముఖ్యమైన పాత్ర పోషించారు. ప్రీ రిలీజ్ ఈవెంట్ లో ఆయన ఎనర్జిటిక్ డ్యాన్స్ కు సంబంధించిన వీడియోను నిర్మాణ సంస్థ ఎస్‌ఎల్‌వీ సినిమాస్ తమ యూట్యూబ్ ఛానెల్‌లో విడుదల చేసింది. ప్రస్తుతం ఈ వీడియో సోషల్ మీడియాలో అందరి దృష్టిని ఆకర్షిస్తోంది.

శ్రీకాంత్ ఓదెల దర్శకత్వం వహించిన ఈ భారీ యాక్షన్ డ్రామా చిత్రంలో మోహన్ బాబు, కయాదు లోహర్, సోనాలి కులకర్ణి వంటి ప్రముఖ తారాగణం నటించింది. రాక్‌స్టార్ అనిరుధ్ రవిచందర్ ఈ చిత్రానికి సంగీతం అందించారు. సుధాకర్ చెరుకూరి ఎస్‌ఎల్‌వీ సినిమాస్ బ్యానర్‌పై భారీ బడ్జెట్‌తో ఈ సినిమాను నిర్మించారు.

ప్రస్తుతం ప్రమోషన్ కార్యక్రమాలు వేగంగా జరుగుతుండగా, సినిమాపై ప్రేక్షకుల్లో భారీ అంచనాలు నెలకొన్నాయి. ‘ది ప్యారడైజ్’ చిత్రం సెప్టెంబర్ 24న ప్రపంచవ్యాప్తంగా థియేటర్లలో విడుదల కానుంది.