ఎన్టీఆర్ సినిమాలో ఇద్దరు హీరోయిన్లు.. జాన్వీకి ఛాన్స్?

జూనియర్ ఎన్టీఆర్, రామ్ చరణ్, రాజమౌళి కాంబినేషన్లో 'ఆర్ఆర్ఆర్' చిత్రం తెరకెక్కుతోంది. మరోవైపు తన 30వ చిత్రాన్ని త్రివిక్రమ్ శ్రీనివాస్ దర్శకత్వంలో తారక్ చేస్తున్నాడు. ఈ చిత్రానికి 'అయినను పోయి రావలె హస్తినకు' అనే టైటిల్ ఖరారు కావచ్చని తెలుస్తోంది. ఫుల్ పొలిటికల్ బ్యాక్ డ్రాప్ తో ఈ చిత్రం తెరకెక్కనున్నట్టు సమాచారం. ఇందులో తారక్ రాజకీయ నాయకుడిగా కనిపించబోతున్నాడని చెపుతున్నారు.

మరోవైపు ఈ చిత్రానికి సంబంధించి కొన్ని వార్తలు షికారు చేస్తున్నాయి. ఈ సినిమాలో తారక్ సరసన ఇద్దరు హీరోయిన్లు నటించనున్నారని తెలుస్తోంది. పూజా హెగ్డే, రష్మిక, సమంత ఈ ముగ్గురిలో ఒకర్ని ఎంపిక చేయనున్నారని సమాచారం. మరో హీరోయిన్ గా దివంగత శ్రీదేవి కుమార్తె జాన్వి కపూర్ పేరు వినిపిస్తోంది. జాన్వీని ఇప్పటికే ఎంపిక చేశారని కూడా ఫిలింనగర్ లో చెప్పుకుంటున్నారు.