చిరూ డాన్స్ పై ప్రత్యేక శ్రద్ధ పెట్టిన కొరటాల

చిరంజీవి కథానాయకుడిగా కొరటాల శివ దర్శకత్వంలో ఒక సినిమా రూపొందుతోంది. సందేశంతో కూడిన వినోదభరిత చిత్రంగా ఈ సినిమా నిర్మితమవుతోంది. ఈ కథపై చాలా కాలంగా కసరత్తు చేస్తూ వచ్చిన కొరటాల, కథాకథనాలపై పూర్తి నమ్మకంతో వున్నారు. ఇక చిరంజీవి లుక్ విషయంలోను ఆయన సంతృప్తికరంగా వున్నారు.

చిరంజీవికి నుంచి అభిమానులు ఆశించే మరో ముఖ్యమైన అంశం డాన్స్. ఈ విషయంలో అభిమానులు ఎలాంటి పరిస్థితుల్లోను నిరాశకి లోను కాకూడదని కొరటాల .. సంగీత దర్శకుడు మణిశర్మకి చెప్పారట. చిరూ స్టైల్ ను దృష్టిలో పెట్టుకునే ఆయన బాణీలను సమకూర్చుతున్నట్టు చెబుతున్నారు. ఆ బాణీలకు స్టెప్స్ కూడా కొత్తగా డిజైన్ చేయించే ఆలోచనలో కొరటాల వున్నాడని అంటున్నారు. కథాకథనాలతో పాటు సంగీతం .. డాన్స్ ఈ సినిమాకి ప్రధానమైన ఆకర్షణగా నిలిచేలా ఆయన శ్రద్ధ తీసుకుంటున్నారని చెబుతున్నారు.