ఫీల్ ద లవ్... 'వరల్డ్ ఫేమస్ లవర్' టీజర్ వచ్చేసింది!

విజయ్ దేవరకొండ మరోసారి లవర్ బాయ్ పాత్రలో నటిస్తున్న చిత్రం వరల్డ్ ఫేమస్ లవర్.  క్రాంతిమాధవ్ దర్శకత్వంలో వస్తున్న ఈ చిత్రం ఇప్పటికే భారీ హైప్ సంపాదించుకుంది. క్రియేటివ్ కమర్షియల్స్ బ్యానర్ పై తెరకెక్కుతున్న ఈ చిత్రంలో విజయ్ దేవరకొండ సరసన రాశీ ఖన్నా, క్యాథరిన్ ట్రెసా, ఇజబెల్లా, ఐశ్వర్యా రాజేశ్ హీరోయిన్లుగా నటిస్తున్నారు.

తాజాగా ఈ సినిమా టీజర్ రిలీజైంది. ప్రేమంటే త్యాగం కాదు, ప్రేమలో ఓ దైవత్వం ఉంటుంది అంటూ హీరోయిన్ చెప్పే డైలాగుతో మొదలైన టీజర్, చివర్లో ఐ లవ్యూ యామిని అంటూ విజయ్ దేవరకొండ తీవ్ర భావోద్వేగాలతో చెప్పడంతో ముగుస్తుంది. ఇందులో విజయ్ దేవరకొండ లుక్ చూస్తే అర్జున్ రెడ్డి పోకడలు కనిపించకమానవు.