టాలీవుడ్ హాస్యనటుడు అలీకి మాతృ వియోగం
- గత కొంతకాలంగా అనారోగ్యంతో బాధపడుతున్న జైతున్ బీబీ
- రాజమహేంద్రవరం నుంచి హైదరాబాద్‌కు భౌతిక కాయం తరలింపు
- నేటి సాయంత్రం అంత్యక్రియలు
ప్రముఖ సినీ నటుడు అలీ తల్లి జైతున్ బీబీ కన్నుమూశారు. గత కొంతకాలంగా అనారోగ్యంతో బాధపడుతున్న ఆమె రాజమహేంద్రవరంలో ఈ ఉదయం తుదిశ్వాస విడిచారు. షూటింగ్ నిమిత్తం రాంచీలో ఉన్న అలీ.. తల్లి మరణవార్త తెలియగానే హుటాహుటిన హైదరాబాద్ బయలుదేరారు. కాగా, జైతున్ బీబీ భౌతిక కాయాన్ని రాజమహేంద్రవరం నుంచి హైదరాబాద్‌కు తరలిస్తున్నారు. నేటి సాయంత్రం హైదరాబాద్ లో జైతున్ అంత్యక్రియలు జరగనున్నాయి.
